Sunday 24th January 2021

कविता: समय चक्र – छन्द: इन्दिरा -हरि शर्मा (गलकोटे कवि)


असुर भावले वंश मेटिने
असल कर्मले लक्ष भेटिने
तरल जिन्दगी झट्ट पोखिने
सफल कार्यले चाह मेटिने ।१। 🌷🙏🌺

अटुट जीवनी कर्म साथमा
असल व्यक्तिको फूल हातमा
कपट दुष्टको बात बातमा
कुलत मूर्खको रात रातमा ।२। 🌷🙏🌺

सफल बन्नको चाहना बिना
फगत पापको कर्ममा किन
अटुट रूपमा साधना नभै
कलह झिक्दछन् मूर्खले सँधै ।३। 🌷🙏🌺

प्रकृति चल्दछिन् सत्य साथमा
रगत चाल्दछिन् विन्दु विन्दुमा
असल पुग्दछ्न् देवघाटमा
अतिथि पुज्दछन साँझ रातमा।४। 🌷🙏🌺

असुर जुट्दछन् मध्य रातमा
कुपथ रोज्दछ्न् पाद पादमा
अहित बोक्दछन् हात काँधमा
दिनहुँ डुल्दछ्न् लट्ठ मातमा ।५। 🌷🙏🌺

कपट गर्दछन् मित्रले पनि
असुर बन्दछन् स्वार्थले उनी
नियम मिच्दछन् दुष्टले सदा
प्रकृति आसुरी भावमा हुँदा ।६। 🌷🙏🌺

प्रविधि साथमा हातमा छँदा
प्रगति सोच्दछन् पक्षमा सदा
कसुर मित्रको खोज्दछ्न् सँधै
कुलत रोज्दछन् मस्त छ्न् उनै ।७। 🌷🙏🌺

अहित सोच्दछन् मित्रको पनि
अतिथि चुट्दछन् शत्रु यो भनी
क्षणिक फाइदा काइदा भनी
नियम मिच्दछन् स्वार्थका धनी ।८। 🌷🙏🌺

कुपथ रोज्दछन् बिग्रँदा मति
क्रमिक रूपमा बढ्दछन् अघि
समय चक्र हो सूर्यको गति
कुदिन चन्द्रको पूर्णिमा पछि ।९।🌷🙏🌺

-हरि शर्मा(सुवेदी)
हाल: मिशिगन, अमेरिका । 🌷🙏🌺


Loading...
सम्बन्धित शीर्षकहरु

तितोपाटी- कुवेतमा कार्यरत आप्रवासीहरुका लागी उपलब्ध गरिने सिविल आइडी कार्डलाई कुवेत सरकारले रद्द गर्ने भएको छ। कुवेतस्थित आंतरिक मंत्रालयको उक्त…

तितोपाटी- कुवेत सरकारले दुई हप्ताका लागि हवाई यात्रुहरूको संख्या घटाउने निर्णय गरेको छ।आइतवार अर्थात भोली २४ जनवरीदेखी उक्त निर्णयको लागु…

गजल अर्कान : १२२२.२१२-१२२२.२१२ बहर: मुजारे महजुफ काफिया:अन/अन् रदिफ : कुनै उनी बोल्दा लाग्दथ्यो गरौँ आन्दोलन कुनै । जिताएथ्यौँ भोटले…

प्रतिकृयाहरू