तितोपाटी- लुम्बिनी प्रदेशका आन्तरिक मामिला तथा कानुनमन्त्री कुलप्रसाद केसीलाई कोरोना संक्रमण पुष्टि भएको छ । आज बिहान कोरोना रिपोर्ट पोजिटिभ आएपछि मन्त्री केसी निवासमा आइसोलेसनमा बसेको उनका स्वकीय सचिव पवन कुँवरले जानाकारी दिए ।
लुम्बिनी प्रादेशिक अस्पताल बुटवलमा आज गरिएको ईमरजेन्सी एक्सपर्ट टेष्ट (द्रुत स्वाब परीक्षण) गर्दा उनको रिपोर्ट पोजिटिभ आएको कुँवरको भनाई छ ।
मन्त्री केसीलाई सामान्य रुघाबाहेक स्वास्थ्यमा अन्य कुनै समस्या नरहेको मन्त्रालयको निजी सचिवालयले जनाएको छ ।
गत मंगलबार प्रदेशको स्थायी राजधानी र नामाकरणको प्रस्ताव प्रदेश सभामा पेश गरेका मन्त्री केसीलाई कोरोना संक्रमण पुष्टि भएपछि प्रदेशसभामा उपस्थित सांसदलाई सुरक्षित रहनसमेत उनको सचिवालयले आग्रह गरेको छ ।
