Saturday 24th October 2020

नेपाली लोक छन्द: झ्याउरे- दयाको खेती


तितोपाटी- बाँचेको किन कोरोना तिमी निष्ठुरी बनेर ।
पुकारा गरे धेरैले यहाँ हे आमा भनेर ।

मनका इक्षा मनमै कैदी हामीले पारेको ।
योजना जति पछिको लागि धकेली सारेको ।

धेरैको यात्रा बाटोमै ठप्प अलत्र पारेको ।
भुसुनै सरी ठानेर तिमी कुल्चेर मारेको ।
लुकेर हिड्ने मानव साथ मानव गरेको ।
छोपेर हिड्न मुहार पनि बाध्यता परेको ।

दयाको खेती हुँदैन पक्कै पापीको घरमा ।
बोकोले ढुक्क सुम्पियो जीउ कसाही भरमा।
कोरोना नाम सुन्दैमा कान बहिरो बनेको ।
असंख्य भयो मर्नेको संख्या दुनियाँ तड्पेको।

दिनहुँ काम गरेर खाने निमेकी विचरा ।
भोकले रुँदै शोकमा डुबी गरेका पुकारा ।
दिन र राति दु:खको ताँती शोकले टोकेर ।
मारेको जाती गुण्डाकै भाँती छुराले रोपेर ।

हजारौ आमा हरुको तिमी काख नै रित्यायौ।
प्रशस्त चेलीहरुको सिन्दुर छिनमै सिध्यायौ ।
कुनामा लुकी कतिको ज्यान तत्काल जिप्ट्यायौ ।
अनेक कष्ट कहर सबै तिमी नै निम्त्यायौ ।
धन्यवाद ।

हरि शर्मा(सुवेदी)
मिशिगन, अमेरिका ।


Loading...
सम्बन्धित शीर्षकहरु

दंष्ट्राकरालवदने शिरोमालाविभूषणे । चामुण्डे मुण्डमथने नारायणि नमोऽस्तु ते ।। या देवी सर्वभूतेषु दयारूपेण संस्थिता । नमस्तस्यै नमस्तस्यै नमस्तस्यै नमो नमः।।…

तीतोपाटी - प्रधानमन्त्री केपी ओलीले नेपालीहरूको महान चाड बडादशैंको अबसरमा देशवासीका नाममा सम्वोधन गर्दै दशैंको शुभकामना दिएका छन् । शुक्रबार…

तीतोपाटी - यस वर्ष राष्ट्रपति विद्यादेवी भण्डारीबाट सर्वसाधारणलाइ दशैंको टीका जमरा लगाइदिने कार्यक्रम स्थगित भएको छ । विश्वव्यापी महामारी कोभिड-१९…

प्रतिकृयाहरू