नेपाली चेली बसेका घर खुशीले नाचेका।
भाँडा र कुँडा तख्तामा बसी गितमा गुञ्जेका ।
हजुर बाबा हजुर आमा नाति र नातिनि।
समस्त जन साथमा बसी रमाए अति नै।१।
अचार बन्यो तामाको त्यहीँ खिरको साथमा।
दही र केरा साथमा अरु चौरासी ब्यञ्जन।
खाएर मस्त देखिए चेली सँगीको साथमा।
लगाई साडी ब्लाउज फेरी चुरा छन् हातमा ।२।
चेलीको लागि माइती घर अत्यन्तै प्यारो छ।
कोरोना अर्थ अहिले वर्ष अत्यन्तै गाह्रो छ।
माइत जान कोरोना सर्छ डरले तर्सायो।
कबाफसाथ हड्डीको रुप भएर यो आयो ।३।
शिवको पूजा खुशीले गर्छन निर्जला भएर।
स्वामीको आयु लम्बिदै जाओस् कामना लिएर।
प्रशस्त गरे नारीले तिम्रो दिर्घायु कामना।
श्रीमती ब्रत पुरुषहरु सक्छौँ खै बसन ?।४।
हुने र खाने कम्प्युटरमा जुममा नाचेका।
नहुने कठै कुनामा बसी दु:खमा रोएका।
जे मिल्छ त्यही खाएर बसौँ खुशीले रमाऊँ।
गहना हैन माया सद्भाब सबैले देखाऊँ ।५।
हरि शर्मा( गलकोटे कवि)
हाल: मिशिगन अमेरिका ।
