तितोपाटी – कुवेतमा कोरोना भाइरस (कोभिड-१९) बाट पछिल्लो २४ घन्टामा १,०४१ जना संक्रमित भएका छन, भने ५ जनाको मृत्युु भएको कुवेत स्वास्थ्य मन्त्रालयले पुष्टि गरेको छ ।
कुवेतमा आजसम्ममा १८,६०९ जनामा कोरोना संक्रमणको पुष्टि भएको छ, भने १२९ जनाको मृत्यु भएको स्वास्थ्य मन्त्रालयले जनाएको छ । पछिल्लो २४ घन्टामा ३२० जनाले स्वास्थ्य लाभ गरेका छन ।
पछिल्लो २४ घन्टाको तथ्यांक अनुसार सबै भन्दा बढी ३२५ जना भारतीय नागरिक रहेका छन, भने २११ जना कुवेती नागरिक, १७७ जना इजिप्सियन र १३९ जना बाङ्लादेशका नागरिक सहित अन्य देशका नागरिक समेत रहेको अरब टाइम्स अनलाइनमा जनाइएको छ ।
कुवेतको स्वास्थ्य मन्त्रालयले दिइएको जानकारी अनुसार जम्मा १८,६०९ जना कोरोना संक्रमित मध्ये अहिले सम्म ५,२०५ जनाले स्वास्थ्य लाभ गरिसकेका छन । कोरोना भाइरसबाट संक्रमित १३,२७५ जना विभिन्न अस्पतालमा उपचाररत छन भने १८१ जनाको स्वास्थ्य अवस्था निकै गम्भीर रहेको छ ।
