तितोपाटी – नेपालमा बुधबार थप २६ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार काठमाडौं र रुपन्देहीमा भएका परीक्षणमा यी संक्रमण देखिएका हुन् । यस सँगै नेपालमा कोरोना संक्रमितको संख्या २ सय ४३ पुगेको छ । बुधबार बिहान २ जनामा मात्र संक्रमण देखिएकोमा साँझ अरू २४ जनामा संक्रमण पुष्टि भएको हो ।
पछिल्लो सङ्क्रमण देखिएका व्यक्तिहरू रूपन्देही, कपिलवस्तु, पर्सा, नवलपरासी र बाँके जिल्लाको भएको मन्त्रालयका सह-प्रवक्ता डा. समिरकुमार अधिकारीले जनाएका छन्।
उनीहरूको स्वास्थ्य अवस्था सामान्य रहेको र उनीहरू स्वास्थ्यकर्मीको सम्पर्कमा रहेको बताइएको छ।
विश्वव्यापी महामारीको रूपमा फैलीरहेको कोरोना भाइरसको कारण संसार भर अहिले सम्म ४३ लाख ९५ हजार भन्दा बढी संक्रमित भएका छन् भने १६ लाख ४३ हजार भन्दा बढीले स्वास्थ्य लाभ गरिसकेका छन् । यो रोगबाट मर्ने मानिसहरूको संख्या २ लाख ९५ हजार नाघि सके पनि नेपालमा भने अहिले सम्म १ जनाको पनि ज्यान गएको छैन । नेपालमा यो रोगबाट निको भएर घर फर्कनेको संख्या ३५ पुगेको छ ।
