Sunday 22nd November 2026

कोरोना भाइरस’को पुष्टिसँगै विदेशबाट आउनेमाथि विमानस्थलमा निगरानी बढाइयो


तितोपाटी-नेपालमा कोरोना भाइरसको संक्रमण भएको पुष्टि भएपछि विदेशबाट आउने यात्रुमाथि त्रिभुवन अन्तर्राष्ट्रिय विमानस्थलमा थप निगरानी बढाइएको छ ।

स्वास्थ्य तथा जनसंख्या मन्त्रालयले कोरोना भाइरसको संक्रमणलाई लक्षित गरी विदेशबाट आउने यात्रुको विमानस्थलमै उच्च निगरानीमा राखी स्वास्थ्य परीक्षणको व्यवस्था मिलाएको जनाएको हो ।

मन्त्रालयका अनुसार टेकु अस्पतालका ३ जना चिकित्सकसहित ८ जना स्वास्थ्यकर्मी थप गरिएको छ ।‘कोरोना भाइरस’ नेपालमा पनि फैलनसक्ने जोखिम बढेपछि विमानस्थलको ‘हेल्थ डेस्क’लाई थप सक्रिय बनाइएको मन्त्रालयले जनाएको हो ।

हेल्थ डेस्कले गएको सोमबारदेखि चीनबाट आउने पर्यटकको स्वास्थ्य परीक्षण शुरु गरेको थियो । यस भाइरसका कारण चीनमा हालसम्म २५ जनाको ज्यान गइसकेको छ ।

अहिले चीनबाट नेपाल घुम्न आउने पर्यटकको संख्या सबैभन्दा बढी रहेका कारण यसको जोखिम बढ्न सक्ने भन्दै विमानस्थलको हेल्थ डेक्सलाई थप सक्रिय बनाइएको हो ।हाल कोरोनाभाइरस चीन, जापान, कोरिया, थाइल्यान्ड लगायतमका मुलुकमा फैलिएको छ ।-खबरहब बाट


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...