तितोपाटी- अर्घाखाँची जिल्ला सदरमुकाम सन्धिखर्कमा रहेको एक सुन पशलबाट चार लाख बढिको सुन चोरी गरेको अभियोगमा प्रहरीले एक भारतीय नागरिकलाई पक्राउ गरेको छ । पक्राउ पर्नेमा भारतको मुस्ताफुर पश्चिम बंगाल घर भई हाल सन्धिखर्कमा बस्ने २९ बर्षिय श्रीमन्त्र मण्डल रहेका छन् । सन्धिखर्क नगरपालिका वडा नं–१ फिल्म हललाईनमा रहेको महालक्ष्मी गहना पसलमा गए राती सुन चोरि गरेको अभियोगमा पक्राउ परेका मण्डललाई प्रहरीले आज सार्वजनिक गरेको हो ।
बिगत १२ बर्ष देखि सन्धिखर्कका विभिन्न सुनचाँदी पसलमा कालिगढको रूपमा काम गर्दै आएका भारतीय नागरिक मण्डलको साथबाट प्रचलित मुल्य ४ लाख ६४ हजार ८ सय १४ रुपैया बराबरका सुनका गरगहना बरामद गरिएको जिल्ला प्रहरी कार्यलय अर्घाखाँचीका प्रहरी नायव उपरिक्षक प्रकाश विष्टले बताए । गएराती सुन पशलबाट सुनका गहना चोरी गरेका उनलाइ सिसि टिभी क्यामेरामा कैद गरेको दृश्यका आधारमा प्रहरीले पक्राउ गरेका हो । उनले भारतवाट आउदा दाजु सँग लिएको ऋण तिर्न चोरी गरेको स्वीकार गरेको प्रहरीको जनाएको छ ।
पक्राउ परेका मण्डललाई मलुकी अपराध संहिता २०७४ परिच्छेद २० दफा २ सय ४३ मकबजनी चोरी अन्र्तगत कानूनी प्रक्रिया अगाढि बढाउने प्रनाउ बिष्टले जानकारी दिए ।
