तितोपाटी-युएईको दुवईमा भएको सवारी दुर्घटनामा ज्यान गुमाउने ६ नेपाली सहित ८ जना स्थानीय एक विद्यालयमा सफाई श्रमिकका रुपमा कार्यरत रहेको थिए । उनीहरु वार्का क्षेत्रको एक विद्यालयका कामदार रहेको जनाइएको छ ।
दुवईको मोहम्मद वीन जायाद रोडमा भएको मिनिबस दुर्घटनामा ति श्रमिकले ज्यान गुमाएका थिए । ति श्रमिक कार्यरत विद्यालयका एक अभिभावकलाई उधृत गर्दै गल्फ न्यूजले ति श्रमिकलाई बालबालिकाका साथि भनेर लेखेको छ ।
एक ट्रकमा पछाडी पट्टी गएर ठोक्किएको सो मिनिवसमा चालक सहित १४ जना थिए । दुर्घटनामा ८ जनाको मृत्यु भएको थियो भनें दुईजना गम्भीर घाइते भएका छन् । सवारी दुर्घटनामा परेर मृत्यु भएका नेपालीमा दानबहादुर सत्याल, दीपक विक, कृष्णबहादुर पुन, नारायणप्रसाद पोखरेल, रमेश चौधरी र नयराम साउद रहेका छन् ।
साभार देश परदेश
