Saturday 21st November 2026

ओमानद्वारा नेपाली डाक्टर र नर्सलाइ ओमानमा रोजगारीको प्रस्ताव


तितोपाटी – ओमानले नेपाल र ओमान बिच श्रम समझदारी हुने तयारी हुँदै गर्दा ओमानले नेपालका डाक्टर र नर्सको माग गरेको छ । । ओमानस्थित नेपाली राजदुत शर्मिला ढकाल पराजुलीसँग भएको शिष्टाचार भेटमा ओमानका स्वास्थ्य मन्त्री डाक्टर अहमद विन मोहम्मद पवन अवाइड अल सादीले ओमानले नेपाली डाक्टर र नर्सलाई आफ्नो देशमा रोजगारी दिने प्रस्ताव गरेका हुन् ।

राजदूतसँगको भेटमा मन्त्री सादले नेपाली डाक्टर र नर्सहरू ओमानले लिन चाहेको बताउँदै त्यसको लागि नेपाली राजदूतावास ओमानले सहजीकरण गरिदिन अाग्रह गरेको बताइएको छ । अहिले ओमनले भारत लगायतका देशहरुबाट डाक्टर र नर्स लैजाने गरेको छ। मन्त्री सादीले नेपालबाट डाक्टर र नर्सहरूलाइ सेवा लिन चाहेको बताउँदै नेपाल पनि ओमानको लागि श्रोत देश बन्न सकोस  भन्ने इच्छा ब्यक्त गर्दै नेपाल र ओमानसँग स्वास्थ्य क्षेत्रबाट पनि सम्बन्ध विस्तार गर्न आवश्यक रहेको बताएका छन्। मन्त्री सादीले स्वास्थ्य र त्यस सम्बन्धी प्रविधि साटासाट र अनुभव आदानप्रदान गर्ने चाहेको कुरा पनि राजदूत पराजुलीसँगको भेटघाटमा बताएको बुझिएको छ।

जवाफमा राजदूत पराजुलीले जिटुजीमार्फत नेपाली डाक्टर र नर्सहरु ओमन ल्याउन सकिने बताइएकी थिइन्। नेपाल र ओमानबीच छिट्टै श्रम समझदारी हुदैँछ। कतिपय विषय त्यसमा नै समेट्न पनि सकिने राजदुत पराजुलीले बताएकी बुझिएको छ।


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...