Saturday 21st November 2026

भारतमा रेलबाट खसेर एक नेपालीको मृत्यु


तितोपाटी- भारतको मुम्बईमा रेलबाट खसेर अछामका १ जना युवाको ज्यान गएको छ । अछामको मंगलसेन नगरपालिका वडा नम्बर ८ वलिगाउका ३० बर्षिय मोहन परियारको भारत गुजरातको वापिबाट महाराष्ट्रको मुम्बई जाने क्रममा रेलको ढोकाबाट खसेर ज्यान गएको हो ।

रेलबाट खसेका मोहनको घटनास्थलमै ज्यान गएका त्यहाँ रहेका उनका आफन्त कमल रावलले जानकारी दिए । शनिवार राति उनी घरबाट गएकी श्रीमतीलाई लिन बापीबाट मुम्बई जाँदै गरेको अवस्थामा रेलबाट खसेका थिए ।

गुजरातको वापीमा काम गर्दै आएका मोहन अछामबाट आफन्तसँग महाराष्ट्रको ठानेसम्म पुगेकी श्रीमति डुप्की परियारलाई लिनको लागि रेल यात्रा गर्दै त्यहाँ गइरहेका थिए । घरबाट पुगेकी श्रीमती डुप्की परियार भेट्न नपाउदै ठाने जाने क्रममै मुम्बईको पालघरमा उनको मृत्यु भएको हो ।

९ बर्षदेखि भारतमा काम गर्दै आएका मोहन पछिल्लो पटक २ बर्षदेखि निरन्तर भारतमै रहेका थिए । श्रीमती भेट्न र औषधि उपचार गर्न भारत गएकी थिइन् । बिहे गरेको ७ बर्ष भएको र बच्चा नभएको कारण श्रीमतीलाई उपचार गर्न र केही समय भारतमै बस्ने गरी मोहनले बोलाएका थिए ।

तर, श्रीमति डुप्कीले श्रीमान् मोहनलाई भेट्न नै नपाई मोहनले धर्ति छोडेका छन् । भारतको पालघरमा पोष्टमार्टम भएपछि आफन्तले शव बुझेर आज दाहसंस्कार गरिएको उनका भाई प्रबिण विकले जानकारी दिए ।


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...