Saturday 21st November 2026

युएइमा एक हप्ता भित्र २ जना नेपाली कामदारको मृत्यु


तितोपाटी – संयुक्त अरब इमिरेट्समा (युएई) मा एक सातामा २ जना नेपाली कामदारको मृत्यु भएको छ । मृत्यु हुनेहरू दुबै जना गोरखा जिल्लाका भएको बुझिएको छ ।

वैदेशिक रोजगारीको सिलसिलामा युएई आएका गोरखा जिल्ला पृथ्वीनारायण नगरपालिका,५ बतासेका हिमाल रानामगर र सोही जिल्ला शहिद लखनथापा गाँउपालिका,५ तिनमाने,काँउलेका रन बहादुर रानाको मत्यु भएको हो। बिगत १६ बर्ष देखि युएईको आबुधावी स्थित सर्भन मिना स्काइफोल्डर कम्पनीमा काम गर्दै आएका हिमाल रानामगरको गत बिहिवार (फेब्रुअरी ७) मा ह्दयघातका कारण मत्यु भएको थियो।

उनको शव शुक्रबार नेपाल पठाई सकिएको दुतावासकी द्दितिय सचिव बिष्णु कुमारी अधिकारीले बताइन्। कम्पनीबाट हिमालले काम गरे बापत पाउने सेवा सुबिधा रकम पनि यसै महिना दुतावासले परराष्ट्र मन्त्रालय मार्फत नेपालमा निजको परिवारलाइ पठाउने अधिकारीले बताइन्।

२ बर्ष पहिले रोजगारिको सिलसिलामा युएइ आएका रन बहादुर राना युएईको शारहजामा किल्निङ् कम्पनीमा कार वासको रुपमा काम गर्थे। घरबिदामा गएका राना नेपालबाट फर्केको ३ दिनपछि सोमबार (फ्रेबुअरी ११) मा खाना खाई सुतेकाकामा मृत अवस्थामा फेला परेका थिए ।

उनको शव अहिले शारहजाको कुवेती अस्पतालमा राखिएको छ। छिट्टै कानुनी प्रकृया सकेर उनको शव नेपाल पठाउने तयारी भैरहेको दुतावासका द्दितिय सचिव अधिकारीले बताइन्।


सम्बन्धित शीर्षकहरु

लन्डन, नोभेम्बर २१। विश्वकै घातक र उपचार गर्न कठिन मानिने अग्न्याशय (प्यान्क्रियाज) को क्यान्सर उपचारमा वैज्ञानिकहरूले नयाँ आशाजनक उपलब्धि हासिल…

बङ्गलादेशको नाराइल जिल्लामा प्रतिबन्धित अवामी लिगका कार्यकर्ताले गरेको भनिएको आक्रमणमा बङ्गलादेश नेसनलिस्ट पार्टी (बीएनपी) का दुई स्थानीय नेताको हत्या भएको…

म्यानमारको सेनाले रोहिंग्या मुस्लिम समुदायमाथि सन् २०१७ मा गरेको सैन्य दमनलाई नरसंहार ठहर गर्दै अन्तर्राष्ट्रिय न्यायालय (आईसीजे) ले ऐतिहासिक फैसला…

प्रतिकृयाहरू
...