तीतोपाटी-दुई हप्तामा कतारको एलजी कम्पनीमा कार्यरत्त दुई नेपाली कामदारको हृदयघातबाट ज्यान गएको छ । ज्यान जानेमा धनुषा जनकपुरका ४८ वर्षका उदय नारायण सदा र झापा बुधबारेका ५१ वर्षका रवि राई छन् ।
कतारको सनायामा रहेको एलजी कम्पनीमा कार्यरत्त जनकपुरका उदय नारायणको शुक्रबार विहान कम्पनीमा काम गर्दै गरेको बेला हृदयघात भएर मृत्यु भएको हो । यस्तै सोहि कम्पनीमा कार्यरत्त झापा बुधबारेका रविको १५ दिनअघि हदयघातबाट मृत्यु भएको कम्पनीमा कार्यरत्त नेपाली कामदार सूर्य खड्काले जानकारी दिनुभयो ।
उहाँका अनुसार रविको शव एकहप्ता अघि नेपाल पठाइसकिएको र उदयनारायाणको शव नेपाल पठाउने तयारी भइरहेको छ ।
