तीतोपाटी- नेपाल भित्रको सानो नेपालको नामले परिचित बाग्लुङ जिल्ला प्राकृतिक रुपमा निकै सुन्दर छ । त्यहि सानो नेपालको एक युवा एक दिन ठूला सपना र उद्देश्यको भारी बोकेर राजधानी छिर्छन् । लामो कपाल सुरीलो स्वर मन्द मूस्कानमा थारै लजालुपनले भने उनले सबैलाइ आफ्नो बसमा पार्नमा माहिर मानिन्छन् नविन ।
अन्जान शहर, नचिनेका मान्छेहरुको भिड । उनले हारेनन् न परिस्थितीसँग न त सङ्घर्षसँग नै । उनलाई लाग्छ, सपना देख्नको लागि मात्र होइन साकार पार्नको लागि पनि हो । उनले बुझेका छन् संघर्षपूर्ण यात्रा, चुनौती, समयको र श्रमको लगानी । सपनाले मान्छेलाई बाँच्न मात्रै होइन आदर्श व्यक्तित्व बन्न पनि सिकाउँछ भन्ने बुझेका छन् उनले ।
उनी अर्थात उम्दा कलाकार नविन लम्साल । कलाकार लम्साललाई थाहा छ यो काठमाडौं उनको जस्तै सपनाहरु विसाउने चौतारी मात्रै होइन सपना पुरा गर्न श्रम गर्ने हातहरुको पनि हो । त्यसैले उनी कलाक्षेत्रमा आफुलाई स्थापित गर्न लागिपरेका छन् ।
हुने विरुवाको चिल्लो पात ! अर्थात नविन लम्साल ।
कलाकार नविन लम्साल
म सानैदेखि नेपाली फिल्मी रहर बोकेर हुर्किए । राजेश हमाल, भुवन केसी जस्ता हिरोहरुको नाम कठस्थ थियो । नाम मात्रै किन उनका फिल्मको नाम र कहानी पनि । फिल्म हेर्नकै लागि कयौचोटि स्कुलबाट भागे भन्ने पनि विर्सिसकें । हो, त्यहिबेला देखि नै कलाकार बन्ने रहर लाग्यो ।
पढाइमा भन्दा कलाकारितामा बढी रमाउँथे । समयसँगै मेरा रहरहरुले पनि गति लियो । बचपनको रहर अब सपना बनिसकेको थियो । जुन सपना मेरो जीवनको अभिन्न पाटो जस्तो लाग्थ्यो र लाग्छ । मलाई थाहा थियो मैले मेरा बा–आमाको पनि सपना पुरा गर्नुपर्छ । आखिर उहाँहरुको खुशी मसँग नै त जोडिएको थियो । उहाँहरुको सपना थियो छोरो इन्जिनियर बनोस् ।
म इन्जिनियर होइन बा–आमाको सपना पुरा गर्न चाहान्थे त्यसैले भर्ना भएँ पुल्चोक इन्जिनियरिङ क्याम्पसमा । इन्जियरिङ मेरो बाध्यता तर कलाकारिता मेरो सपना, खुशी, इच्छा आदि । जब सपनाहरुले हुर्किने मौका पाउँछ तब बाध्यताहरु कमजोर बन्दो रहेछ सायद ।
इन्जिनियरिङ भर्ना त भएँ तर कलाकारिताको मोहले तान्यो । फलस्वरुप इन्जिनियङ छोडेर कलाकारिता नै पढ्न थालेँ । म्युजिक भिडियोहरुमा काम गर्न थालेँ । कारखाना लगायतका फिल्ममा काम गर्ने अवसर पनि पाएँ । हाल चलचित्र चिसो स्ट्रय नामक चलचित्रमा काम गरिरहेको छु । दिनचर्या निकै व्यस्त छ । गर्न सके यो क्षेत्रमा नाम र दाम दुवै कमाउन सकिन्छ । मेरो काम देखेर आमा बुवा आज निकै खुशी हुनुहुन्छ । उहाँहरु गर्व गर्नुहुन्छ ।
कला क्षेत्रमा नै केहि गर्ने इच्छा छ । यहि क्षेत्रमा स्थापित हुने र आफ्नो परिचय बनाउन चाहान्छु ।
सामाजिक विषय वस्तुलाई कथावस्तुमा ढालेर दर्शकलाई नयाँपन दिने किसिमका फिल्म बन्नुपर्छ भन्ने मेरो चाहाना हो । मलाई एरेन्ज म्यारिजमा विश्वास लाग्छ ।
उनी भन्छन् लवमा पर्ने चाहानामा मनमा अहिले नरहेको उनी बताउछन् लवको मावलमा भने नविन एरेन्ज म्यारिजमा विश्वास गर्ने उनको भनाइ रहेको छ । उनले हाल भने चीसो स्टेप नामको अभिनयमा रहेका छन् भने अन्य काममा पनि आजभोली निकै व्यस्त देखिन्छन् ।आमा बाबु भने आजको छोराको प्रगतिमा निकै गौरव गर्ने गर्दछन् । अबको चाहाना भनेको नेपाली चलचित्रलाइ चिनेर नेपालको हिमाल पहाड मान्छेको कथालाई जीवन मार्गमा लैजानका लागि सिक्दै अगाडि बढ्ने उनको लक्ष्य बनेको उनी बताउछन् ।
नेपालमा धेरै राम्रा राम्रा कलकारहरु रहेका छन् कतै राम्रो कलाकारहरुको भिडमा हराउनु होला नि भन्ने प्रश्नमा उनी भन्छन्,मेरो पहिलो काम भनेका आम दर्शकलाइ मन देखि नै म प्रतिविश्वास दिलाउनु हो ।म काममा विश्वास गर्छु मेहनत गर्छु, आफुभन्दा ठुला र राम्रा कलाकरहरुसँग सिकेर अगाडि बढ्छु मेरो काम प्रतिकाको इमान्दारीतालाइ तलमाथि हुन दिने छैन ।
