तितोपाटी – दक्षिण कोरियामा एक नेपाली कामदारको सुतेकै अवस्थामा मृत्यु भएको छ । इपिएसमार्फत पाँच महिनाअघि कोरिया आएका उदयपुर कटारीका २० वर्षीय दिपक कार्कीको बुधबार मृत्यु भएको श्रम सहचारी डिल्लीराम बास्तोलाले जानकारी दिए ।
मृतक कार्की खोङ्जु सहरको खेरोङम्यानस्थित स्टोबेरी खेतीमा काम गर्दै आएका थिए । बिहान काममा जान उठाउँदा कार्की मृत भेटिएको उनका साथीले जानकारी दिएका थिए । कार्की बेलुका फोनमा कुरा गरेर सुतेका थिए ।
प्रहरीले शव पोस्टमार्टमको लागि स्थानीय अस्पतालमा पुर्याएका छन् भने दूतावासलाई जानकारी गराइसकेका छन् ।
