तितोपाटी – कुवेतमा हृदयघातका कारण झापा शनिश्चरे -६ स्थायी घर भएकी हर्का माया बिश्वकर्माको मृत्यु भएको छ ।
घरेलु कामदारमा ५ बर्ष पहिले कुवेत आएकी हर्का माया १६ अक्टोबर २०१८ का दिन कुवेतको सभानासिर स्थित फर्वानिया अस्पतालमा उपचारको क्रममा निधन भएको हो ।
घरको आर्थिक अवस्था अत्यन्तै नाजुक भएकोले धन कमाउने सपना बोकि बिदेश आएकी हर्का माया मंगलबारका दिन अचानक आफु लाई अस्वस्थ महसुस भए पछि फर्वानिया अस्पतालमा उपचार गराउन गएकी थिइन । फर्वानिया अस्पतालमा उपचारकै क्रममा केही समय पश्चात् डाक्टरले ०३९७२६९३ नंबरको राहदानी वाहक हर्का मायालाई मृत घोषणा गरेका थिए ।
नेपाली दूतावास कुवेतका द्वितीय सचिव ज्ञानबहादर मगरले तितोपाटी संग भने फर्वानिया अस्पतालको रिपोर्ट अनुसार उनको मृत्यु हृदयघातको कारणले भएको हो । मृतकका आफन्त सम्पर्कमा आइसकेकाले दूतावासले सोमबार उनको शव नेपाल पठाउने तयारी गरिरहेको छ ” ।
