तितोपाटी – दुनिया भौतिक निर्माणको क्षेत्रमा धेरै अघि बढिसकेको छ । विश्वमा कल्पना समेत गर्न गाह्रो पर्ने खालका अनुपम भौतिक संरचनाहरु ठडिइरहेका छन् । यसका लागि विश्वका हरेका देशले अनेकानेक चामकारीक निर्माणहरू सम्पन्न गरेका छन् तर चीनले संसारका अरू देशहरूले गर्न नसकेका अत्यन्त कठिन भनेका कामहरू गरेर देखाउने राष्ट्रको रूपमा अाफुलार्इ चिनाउन सफल भएको छ । हालै मात्र चीनले यस्तो काम गर्यो कि जसको कारण सारा विश्वको ध्यान चीनमा केन्द्रित भएको छ । नदिमा सबैभन्दा लामो पुल बनार्इसकेको चीनले हालसालै नदि माथि राजमार्ग नै निर्माण गरेको छ ।
चीनले असम्भव भन्ने कुनै कुरा नै छैन भनेर संसारलार्इ देखाइदिएको छ । असम्भव भन्ने कुराहरूलार्इ पन्छाउँदै चीनले मध्य चीनको हुवी प्रान्तमा नदि माथि नै राजमार्ग निर्माण गरेपछि विश्वभर यसको चर्चा चलिरहेको छ । चीनको चेगदु र सांघार्इ जोड्ने राजमार्गलार्इ नदीमाथि बनाएको हो ।
६.८ मील अर्थात झण्डै ११ किलोमिटर लामो नदीमाथिको राजमार्गको कारण १ घण्टा लाग्ने बाटो अब २० मिनेटमै पुग्न सकिन्छ । चीनका निर्माण इन्जिनिययरहरूसँग अर्को विकल्प पनि थियो । उनीहरूले सुरूङमार्ग पनि बनाउन सक्थे तर सुरूङमार्ग बनाउँदा पर्यावरणमा असर गर्ने भएकोले सुरूङमार्ग नबनाएर नदीमाथि राजमार्ग बनाउने निर्णय गरेका थिए ।
