तितोपाटी – इजरायल प्रहरीले १२ बर्षे बच्चालाइ दुर्व्यहार गरेको आरोपमा एक नेपाली महिलाको खोजीकार्य गरिरहेको छ | नेपाली महिला बिमा कुमारीले १२ बर्षको बच्चालाई दुर्व्यवहार गरेको भन्दै प्रहरीले फेसबुकपेजमा कुमारीको फोटो राख्दै खोजिरहेको जानकारी गराएको छ |
ति नेपाली महिला अहिले कहाँ र कस्तो अवस्थामा छन् भन्ने कुरा अझै अज्ञात रहेको छ । इजरायलमा रहेका नेपालीहरुको बिचमा यो समाचार फेसबुकका इनबक्समा भाइरल भैसकेको छ । नेपालीहरु बीच यो समाचार हिजो रातिदेखि भाइरल हुन् थालेपछि त्यहाँ कार्यरत नेपालीहरु अचम्मित परेका छन् ।
तस्विर सौजन्य :विमा कुमारी / इजरायली प्रहरीको फेसबुकपेजबाट
लामो समय देखि रोजगारीका लागि नेपालीहरु इजरायलमा केयर गिभर ‘सुसारे’ को रुपमा काम गर्दै आएका छन् । महिलाहरुको लागि काम गर्न अत्यत राम्रो ठाउँ मानिएको इजरायलमा करिब ८ बर्ष देखि बन्द रहेको छ ।
केहि समय अघि पनि नेपालीहरुले आफुले हेरविचार गर्ने बिरामीलाई कुटपिट गरेको कारण अझै पनि इजरायलको जेलमा नेपाली चेलीहरु रहेका छन् । केहि दिन अघि मात्र एक जना भारतीय महिलाले कुटपिट गरेको भिडियो सामाजिक संजालमा भाइरल भएको थियो । ति भारतीय महीलाई पनि कुटपिट गरेको कारण २२ बर्ष जेल र ५० हजार जरीवाना गरिएको समाचार भाइरल बनेको थियो ।
