तीतोपाटी-हिन्दु राज्य र राजतन्त्रको पक्षमा विभिन्न ठाउँमा अभियान चलाइरहेको शिव सेना नेपालले सडक आन्दोलन गर्ने निर्णय गरेको छ ।
दुई दिनसम्म चलेको उपत्यका कार्यसमितिको बैठकले ‘हिन्दु राज्य र राजतन्त्र’ पुर्नस्थापनाका लागि सडक आन्दोलन नै अन्तिम विकल्प भएको निर्णय गरेको हो । यसकारण आन्दोलनमा जाने तयारी भएको शिव सेनाका अध्यक्ष अनिल बस्नेतले बताए । बैठक उनको अध्यक्षतामा नै बसेको थियो ।
सांकेतिक आन्दोलन जारी राखेको शिव सेनाले सडक आन्दोलन मकवानपुरबाट थाल्ने पनि जनाएको छ । त्यसका लागि ५ हजार शिव सेनाका कार्यकर्ता (शिव सेना सैनिक) खटाइएको छ ।
शिव सेनाले हिन्दु राज्य र राजतन्त्रका निम्ति प्रशिक्षण, भेला र बैठक गर्दै आइरहेको छ ।
