तीतोपाटी-आकर्षक देशमा वैदेशिक रोजगारीको लागि पठाउने भन्दै ठगी गर्ने म्यानपावर व्यवसायीलाई प्रहरीले पक्राउ गरेको छ । प्रहरीको केन्द्रीय अनुसन्धान ब्यूराको टोलीले ताप्लेजुङ् थुम्वेदिन–१ का विनोद कुमार कार्कीलाई आइतबार काठमाडौँको मण्डीखाटारबाट पक्राउ गरेको हो ।
नर्थ पोल ओभरसिज प्रालिका संचालक कार्कीले आकर्षक वैदेशिक रोजगारको लागि पोल्याण्ड, युएई., मलेशिया र बहाराईन पठाइदिने प्रलोभन देखाई विभिन्न व्यक्तिहरुबाट १६ लाख ४३ हजार ७१९ ठगी गरेका थिए ।
वैदेशिक रोजगार न्यायाधिकरणले २०७१ कार्तिक २३ गतेको फैसलाले कार्कीलाई ४ बर्ष कैद र चार लाख रुपैयाँ जरीवाना गर्ने निर्णय गरेको थियो । साथै, कार्कीबाट पीडित व्यक्तिहरुलाई ठगी गरेको रकमको क्षेतिपूर्ति र हर्जाना रकम सहित हुन आउने रकम २४ लाख ६५ हजार ५९३ रुपैयाँ ५० पैसा दिलाई भराई दिने समेत फैसला भएको थियो ।
त्यसयता उनी लुकेर बसेका थिए । सीआईबीले आइतबार पक्राउ गरि कार्कीलाई कैद भुक्तानका लागि केन्द्रीय कारागार कार्यालय सुन्धारामा पठाएको छ ।
