तीतोपाटी- सुदुरपश्चिम प्रदेशका तत्कालीन सामाजिक विकास मन्त्री दीर्घ सोडारी नेपाल कम्युनिष्ट पार्टी (नेकपा) बाट पनि निष्कासित भएका छन् । उनलाई पदीय मर्यादा विपरीत काम गरेको भन्दै नेकपाले पार्टीको साधारण सदस्यसमेत नरहने गरी निष्कासन गरेको नेकपा सुदूरपश्चिम प्रदेश कमिटिले जनाएको छ ।
यसअघि उनी मंगलबार नै मन्त्रीबाट बर्खास्त भएका थिए । खाली मन्त्री पदमा कैलाली क्षेत्र नम्वर ४ को ‘ख’ बाट निर्वाचित कृष्णराज सुवेदी मंगलबार नै नियुक्त भएका छन् । तत्कालीन नेकपा (एमाले) कैलालीको अध्यक्षसमेत रहेका सोडारी कैलाली क्षेत्र नम्वर ४ को ‘क’ बाट प्रदेश सभामा निर्वाचित भएका थिए ।
