Wednesday 18th November 2026

भोटेकोसी बाढीमा ४ खर्बभन्दा बढी क्षति


भोटेकोसी क्षेत्रमा आएको भीषण बाढीबाट ४ खर्ब ८ अर्ब रुपैयाँभन्दा बढी क्षति भएको प्रारम्भिक सरकारी अध्ययनले देखाएको छ। बाढी प्रभावित क्षेत्रको पुनर्निर्माण गर्न ७ खर्ब २३ अर्ब रुपैयाँभन्दा बढी खर्च लाग्ने अनुमान गरिएको छ।

बाढीबाट रसुवा, नुवाकोट, धादिङ, गोरखा, तनहुँ र चितवन जिल्लाहरू प्रभावित भएका छन्। हालसम्म १ हजार ३८८ जनाको शव फेला परेको छ भने ५ हजार १३० जना अझै बेपत्ता छन्। साथै १३ हजार ७२८ जनाको उद्धार गरिएको छ।

बाढीले ७ हजार ५७० घर, १८ विद्यालय, ७ स्वास्थ्य संस्था, ३० सांस्कृतिक तथा धार्मिक स्थल, सडक, पुल, खानेपानी, विद्युत् र सञ्चार संरचनामा ठूलो क्षति पुर्‍याएको छ।

कृषि, पशुपालन, माछापालन तथा व्यापार व्यवसाय पनि प्रभावित भएका छन्। हजारौं पशुपन्छी, बाली तथा करिब ४,८०० व्यवसाय प्रभावित भएको अनुमान छ।

अध्ययनअनुसार यो बाढी भारी वर्षाका कारण नभई चीनतर्फको हिमाली क्षेत्रमा हिउँ र चट्टान खसेर उत्पन्न भएको हिमनदीजन्य बाढी (Glacial Flood) का कारण आएको हो। बाढी अत्यन्त तीव्र गतिमा बगेर केही घण्टामै रसुवादेखि देवघाटसम्म पुगेको थियो।


सम्बन्धित शीर्षकहरु

पखेटा छैनन्, उडूँ कहाँ म, आकाश टाढा छ, मनै भने प्रियको सम्झनामा, हराउँदै जान्छ। फूलका बगैँचा फुले पनि, मन फुल्न…

जर्मनी, डेनमार्क, अस्ट्रिया, ग्रीस र नेदरल्याण्ड्सले सन् २०२७ देखि रवान्डामा आप्रवासी फिर्ता केन्द्र खोल्ने योजना सार्वजनिक गरेका छन्। यो केन्द्रमा…

अमेरिकी गुप्तचर निकायले इरानले अमेरिकी भूमिमै ठूलो आक्रमण गर्न सक्ने सम्भावनाबारे नयाँ सूचना प्राप्त गरेको जनाएको छ। उक्त सूचनाअनुसार इरानले…

प्रतिकृयाहरू
...