तिब्बततर्फबाट आएको ठूलो बाढी रसुवाको भोटेकोशी नदीमा प्रवेश गर्दा स्याफ्रुबेँसी र टिमुरे क्षेत्रमा व्यापक क्षति पुगेको छ। बाढीले बजार, सडक, पुल तथा केही जलविद्युत् आयोजनामा क्षति पुर्याएको प्रारम्भिक विवरण प्राप्त भएको छ।
बाढीको प्रभाव त्रिशूली नदी हुँदै धादिङ, नुवाकोट, गोरखा र चितवनसम्म फैलिन सक्ने भएकाले तटीय क्षेत्रका बासिन्दालाई सुरक्षित स्थानमा बस्न आग्रह गरिएको छ।
प्रधानमन्त्री वालेन्द्र शाहले उच्चस्तरीय बैठक बोलाउनुका साथै उद्धार र राहतका लागि सेना, प्रहरी तथा हेलिकोप्टर परिचालन गरिएको छ। केही सुरक्षाकर्मी सम्पर्कविहीन रहेको र क्षतिको यकिन विवरण संकलन भइरहेको जनाइएको छ।
