पाकिस्तानको सरकारी सञ्चारमाध्यम पिटिभी न्यूजका अनुसार ‘बुनयान मर्सूस’ कारवाही अन्तर्गत पाकिस्तानले भारतको विद्युत् वितरण प्रणालीमा (पावर ग्रिड)मा साइबर आक्रमण गरेको छ।
यद्यपि यो दाबीलाई स्वतन्त्र रूपमा पुष्टि गर्न अल जजीरा लगायतका अन्तर्राष्ट्रिय सञ्चारमाध्यमहरूले सकेका छैनन । भारतीय सरकारले अहिलेसम्म कुनै प्रतिक्रिया दिएको छैन।
यसैबीच भारत-प्रशासित जम्मु र कश्मीरको उधमपुर जिल्लाको डिब्बर क्षेत्रमा ठूलो विस्फोट तथा संकटकालिन आवाज (साइरन )बजेकोभारतीय समाचार संस्था एएनआइले जनाएको छ। उनीहरूले प्रकाशित गरेको श्रब्यदृश्य (भिडियो)मा उक्त क्षेत्रबाट बाक्लो धुँवाको मुस्लो उठिरहेको देखिन्छ।
यो विस्फोट पाकिस्तानको सेनाले भारत विरुद्ध ‘बुनयान मर्सूस’ नामक प्रतिकारात्मक सैन्य कारवाही घोषणा गरेपछि केही मिनेटमै भएको हो।
जी७ समूह (विश्वका सात प्रमुख औद्योगिक राष्ट्रहरू) ले भारत र पाकिस्तानबीचको बढ्दो तनावलाई “क्षेत्रीय स्थिरतामाथिको गम्भीर खतरा” भन्दै दुबै पक्षलाई अत्यधिक संयम अपनाउन आह्वान गरेको छ।
क्यानडाको सरकारी संजालस्थल (वेबसाइट) मा प्रकाशित विज्ञप्तिमा भनिएको छ: “हामी दुबै देशलाई प्रत्यक्ष संवादमा संलग्न हुन आग्रह गर्छौ। कुनै पनि थप सैन्य वृद्धि नागरिकको सुरक्षामाथि प्रतिकूल असर पार्न सक्छ।” जी७ ले दुवै पक्षलाई तुरुन्त कूटनीतिक समाधान खोज्न र द्वन्द्वलाई नियन्त्रणमा ल्याउन आग्रह गरेको छ।
यस सैन्य र साइबर आक्रमणको श्रृंखला दक्षिण एशियाली क्षेत्रमा नयाँ संकटको संकेत हो।
(स्रोत: अल जजीरा)
