म्यानमारमा शुक्रबार ७.७ म्याग्निच्यूडको शक्तिशाली भूकम्प गएको छ भने भूकम्पमा परी मृत्यु हुनेको संख्या १६४४ पुगेको त्यहाँको सैनिक सरकारले जनाएको छ । सेनाले भूकम्पबाट घाइते हुनेको संख्या ३४०८ पुगेको र १३९ जना अझै बेपत्ता रहेको बताएको छ ।
त्यहाँका सैनिक प्रमुख जनरल मिन आङ ह्लाइङले मृतक र घाइतेको संख्या अझै बढ्नसक्ने बताएका छन् ।
म्यानमारको धेरै भागमा आपत्काल घोषणा गरिएको छ। अमेरिकी भूगर्भ सर्वेक्षणका अनुसार मृत्यु हुनेको संख्या हजारौँमा हुनसक्छ।
