Wednesday 18th November 2026

कविताः मुहारिकामा साहित्यकारहरू -गुणनिधि घिमिरे


उठाई देश काँधमा म गर्छु भक्ति वन्दना
सुपुत्र हूँ म देशको छ आत्मग्लानी सम्झना ।
कदापि काहिँ चुक्दिन म आफ्नो तेज शक्तिमा
जहाँ जहाँ पुगे पनि म हुन्छु देशभक्तिमा ॥

चलेन देश शान्तिले र बोल्न थाल्यो सारिका
समाजवादी तन्त्र रे कता गयो इकारिका ।
म राज्य बोक्छु भन्दथिन् कहाँ लुकिन् ती तारिका
सहीद चाल हेर्दछन् पुगेर जो निहारिका ॥

नपार्नु धर्म सारथी चलाऊ देश न्यायले
सहिष्णु धीर स्थिर भै सुधार यो अध्यायले ।
असभ्य बोली पङ्क्तिमा हटाऊ शब्द भाषिका
रचेर वाल वालमा फिँजाऊ काव्यमालिका ॥

बनेन दण्डसंहिता बेहाल छन् कुमारिका
नेपाल कृष्णकाल झैँ बनेन हेर द्वारिका ।
व्युत्पन्न मातृभावले उठाई हात नारिका
चिनाऊँ देश विश्वमा सजाई यो मुहारिका ॥

-गुणनिधि घिमिरे
अमेरिका


सम्बन्धित शीर्षकहरु

युक्रेनले रूस र कब्जामा रहेको क्रिमियालाई जोड्ने केर्च (क्रिमियन) पुलमा ठूलो आक्रमण गरेको छ। युक्रेनी राष्ट्रपति भोलोदिमिर जेलेन्स्कीले यो आक्रमण…

दिल्लीको नयाँ प्रस्ताव : बागडोगरा–रक्सौल उडानका लागि नेपाली आकाश प्रयोग गर्न दिनुपर्ने नेपालले विगत १२ वर्षदेखि माग गर्दै आएको महेन्द्रनगर…

पखेटा छैनन्, उडूँ कहाँ म, आकाश टाढा छ, मनै भने प्रियको सम्झनामा, हराउँदै जान्छ। फूलका बगैँचा फुले पनि, मन फुल्न…

प्रतिकृयाहरू
...