Wednesday 18th November 2026

अमेरिकामा अन्तर्राष्ट्रिय नेपाली पत्रकार संघ गठन


तितोपाटी – विश्वभरि छरिएर रहेका नेपाली पत्रकार समेट्दै अमेरिकामा अन्तर्राष्ट्रिय नेपाली पत्रकार संघ (आईएनजेए) गठन भएको छ।

अमेरिकाको संघीय र राज्य सरकारमा दर्ता भएको आईएनजेएले विश्वभरि छरिएर रहेका नेपाली सञ्चारकर्मी तथा पत्रकारका संघसंस्थाको क्षमता अभिवृद्धि गर्ने उद्देश्य राखेको जनाएको छ। अगस्ट १ मा भर्जिनयास्थित फेयरफ्याक्समा पत्रकार सम्मेलन गरी संस्था दर्ताको जानकारी दिइएको हो। भर्जिनिया निवासी गुणराज लुइँटेल सभापति रहेको नवगठित संस्था गैर नाफामूलक हुनेछ।

संस्थाको बोर्ड अफ ट्रष्टीमा रामचन्द्र खरेल र योगेश उपाध्याय छन्। उप सभापतिहरुमा सुनिल मणि दाहाल (अमेरिका), विष्णु शितल (अमेरिका), टंक पन्त (एसिया) मनऋषि धिताल (अस्ट्रेलिया), अनुराधा पौडेल (युरोप) तथा डा.किस्मत भण्डारी क्यानडा रहेका छन्। यसै गरी महासचिवमा अमेरिकाका शिव बिष्ट, सचिवमा शारदा सिलवाल तथा कोषाध्यक्षमा सिर्जना ताम्राकार चयन भएका छन्।

संस्थाको सञ्चार निर्देशकमा विजय थापा, संगठन निर्देशकमा किशोर सापकोटा, नीति निर्देशकमा बिष्णु शर्मा तथा प्रविधि निर्देशकमा केशर कार्कीलार्इ चयन गरिएको छ।

कार्यसमिति समिति सदस्यहरुमा अमेरिकाबाट भुपेन्द्र थापा, विश्वराज थापा, दोव ढकाल, अंकुश नेपाल, तारा भट्टराई, पुनम पौडेल छन् भने नेपालबाट कृष्ण ढुंगाना, युएर्इबाट सुवाश शर्मा तथा ओमानबाट बिनेश खनाल छन्।

यसैगरी साउदी अरबबाट तेज बहादुर थापा, अमेरिकाबाट सर्वज्ञ वाग्ले, स्विटजरल्याण्डबाट विजय शर्मा दर्पण, अमेरिकाबाट राजिव श्रेष्ठ, सरोज केसी, सिर्जना उप्रेती, उमेश शर्मा, पूर्ण बराईली तथा सुनिल हुमागाई रहेका छन्।

संस्थाको सल्लाहकार हरि अधिकारी, शेखर ढुंगेल, जर्ज मेसन विश्वविद्यालयका प्रा.क्रिस्टोफर जे फरेल, सहायक प्रा.जेफ साउथ, एसपीजेका रबिन सिडरस्कि, नेपाल पत्रकार महा संघका पूर्व अध्यक्ष तारानाथ दाहाल तथा पत्रकार एवं मिडिया प्रशिक्षक घमराज लुइँटेल रहेका छन्।


सम्बन्धित शीर्षकहरु

-गोबिन्द राज ओझा (राजन ) अनन्त आकाशबीच चम्किने ताराका ज्योति हौँ हामी सबै, प्रकृतिका कणकणभित्र लुकेको चेतनाका मोती हौँ हामी…

कुवेतमा आयोजनामा हुन गइरहेको प्रथम मुजैनी–पूर्वेली टाइगर गोल्ड कप २०२६ फुटबल पर्व–मेला को सम्पूर्ण तयारी अन्तिम चरणमा पुगेको आयोजकले जनाएको…

भारतको सर्वोच्च अदालतमा बुधबारदेखि वैवाहिक बलात्कारसम्बन्धी १० वटा रिटमाथि सुनुवाइ भइरहेको छ। विवाहभित्र हुने जबर्जस्ती यौनसम्पर्कलाई अपराध मान्ने कि नमान्ने…

प्रतिकृयाहरू
...