Saturday 24th January 2026

कविताः पाल्पालीको पहिचान -शिव कुमार रेग्मी


पाल्पा जिल्ला पाल्पालीको ज्यान हो,
करूवा,ढाका पाल्पा बासीको शान हो,
पाल्पा प्रसिद्ध रानी महलको नामले,
सबै क्षेत्र विकास छ पाल्पालीको कामले।-१

नेता,मन्त्री,प्रमुख सबै पाल्पा कै बन्दछन्,
घर आउदा धेरै जसो सिद्ध बाबा मै फस्दछन्,
सालै पिच्छे बन्छ भन्छन् सत्य कुरा थाहा छैन,
नेताहरू भाषण गर्छन् बजेट कहिल्यै आ-छैन्।-२

खेती योग्य माडी फाट छ भिख माग्नु पर्दैन,
कुनै पनि काम गर्न पाल्पाली पछि सर्दैन,
कसैले केही नदिए पनि पाल्पाली भोकै मर्दैन।-३

जन्मभुमि पाल्पा हाम्रो सधै गर्व हुन्छ,
घर पाल्पा भने पछि मन हाम्रो झुम्छ,
संसार भरी जताततै पाल्पालीलाई चुम्छ,
पाल्पालीले दुख पाउँदा हाम्रो मन रून्छ।-४

साहित्यकार धेरै जसो पाल्पाली नै बन्छन्,
काव्य जगतमा जताततै पाल्पाली कै गन्छन्,
समस्या कहीं आयो भने पाल्पाली नै खोज्छन्,
सत्यवादी चुन्नु परेमा पाल्पाली नै रोज्छन्।-५

शिव कुमार रेग्मी
बगनासकाली-२
पोखराथोक,पाल्पा


सम्बन्धित शीर्षकहरु

अमेरिकी राष्ट्रपति डोनाल्ड ट्रम्पले अमेरिकी सैन्य जहाजहरूको "विशाल बेडा" इरानतिर गइरहेको पुष्टि गर्दै उनीहरूले बल प्रयोग गर्नु नपर्ने आशा दोहोर्‍याए।…

पाल्पाको पश्चिमी पहाडमा पर्ने रैनादेवी छहरा गाउँपालिका–२। बिहान सबेरै कुहिरोले ढाकिएको चौर, वरिपरि हरिया डाँडाकाँडा, र सीमित सम्भावनाबीच हुर्कँदै गरेका…

लुलु हाइपरमार्केट कुवेतले बेलायतको कृषि तथा बागवानी विकास बोर्ड (AHDB) र व्यापार तथा व्यापार विभाग (DBT) सँगको सहकार्यमा सुरु गरिएको…

प्रतिकृयाहरू
...