१.
अहिलेको तिज माइतीकै आसपास मनाउने चाहना ।
साथीसंगीहरुसँग भई बिन्दास मनाउने चाहना ।
बाढी पहिरो कोरोनाले छेक्न सक्दैन हामीलाई
आमा भाउजुको साथमै बसि खास मनाउने चाहना।
२.
फक्रिएको सुगन्धित फूल थिएँ मात देखायौ ।
चुस्यौं भमराले झैं टन्न अनि लात देखायौ ।
कमि महशुस त केही थिएन हाम्रो मायामा
साथ दिने बाचा तोडी आफ्नो औकात देखायौ।
शोभा कडरिया कोइराला, पाल्पा
मुक्तक
१
माइती जाने ठूलो आस हुन्छ चेलीलाई ।
मीठो खाने मन एक गाँस हुन्छ चेलीलाई ।
सोचेजस्तो कहाँ हुन्छ र ?स्वर्ग सबै घरमा
पलपलमा जिउँदो लाश हुन्छ चेलीलाई।
२.
दु:खै दु:खको खात रहेछ जिन्दगी ।
घात अनि प्रतिघात रहेछ जिन्दगी ।
ग्रह दशा घुमिरहने मनुष्यका
अढैया साढे सात रहेछ जिन्दगी।
शोभा खनाल कोइराला, नवलपुर
मुक्तक
बोलाउँछ्की भाइले तीजमा आसमा बसेकी छु ।
साथीसंगी दिदीबहिनीको अत्यासमा बसेकी छु ।
जबदेखि माइतीघरको संघार नाघी आएँमैले
आँसु पिँउदै धानेको मुठी सासमा बसेकी छु।
छोरी चेली माइतीघरमा न अटाउने जात कस्तो ।
चलनचल्ती संस्कारले गरेको छ घात कस्तो ।
न रूँदा जान्छ न धुँदा जान्छ यो मनको व्यथा
कस्लाई सुँनाऊ गुम्सिएको बेदनाको खात कस्तो।
✍️निमा पौडेल तिवारी-नवलपुर
मुक्तक
१
देखेपछि पुनःमनमा आस लाग्याे के गरु ।
टाढा तिमी मेरै आसपास लाग्याे के गरु ।
छाेड्ने बेला भने पनि बिर्सिनु है बिगत
याे दुनिामा तिमी नै खास लाग्याे के गरु ।
२
निकै आत्मिय आउदासात देखायाे साथीले ।
ला,भरी छ भनी खाली हात देखायाे साथीले ।
अहाे!फेरिएछ साथी साेचेर पसियाे भट्टीमा
पैसा तिर्ने बेलामा आैकात देखायाे साथीले।
काेपिला शर्मा , धनगढी
१ मुक्तक
चल्छ मात्रै मेरो मुटु फेर्ने सास तिमी हौ झैँ लाग्छ ।
मेरो प्राप्ति मेरो पुकार,आभास तिमी हौ झैँ लाग्छ ।
तिमी बिना जिउन सक्छु होला ?यो असम्भव पक्कै
उड्ने म हुँ पंख फिँजाई आकाश तिमी हौ झै लाग्छ।
२
आमा बल्ल त मेरो जीवन सुरुवात भएको छ ।
सुखी,धनी , वर खोज्नाले ठूलो घात भएको छ ।
नोकर सरि व्यबहार लक्ष्मी बनाई राख्छु भन्नेको
फूल जस्तो मेरो जोवान औँसीको रात भएको छ।
✍️शर्मिला सापकोटा-नवलपुर
१
आजभोलि आनी बानी उनको खास लाग्छ ।
बाँकी जिन्दगी जिउने उनको आस लाग्छ ।
आधुनिक जमाना मोबाइल फोन चलाउँदा
विश्वास भन्दा अलि अलि शंका त्रास लाग्छ।
२
ढिकि जातो उठेर गरेको आधा रातको याद आयो ।
धानको घानमा ढिकिले कुटेको हातको याद आयो ।
भालेकाे डाकमा घर धन्दा र पधेराको पानी ल्याउदा
बुहारीलाई दिने पिठो कनिकाको भातको याद आयो।
✍️तारा घिमिरे-संखुवासभा
राख्दा पनि यति सम्म झुकाव मिलाउन सकिएन ।
भइरहन्छ बेला बेला मन मुटाव मिलाउन सकिएन ।
जिन्दगीका कैयौं परीक्षामा सफल भइ रहेकै थिए
तर यो पिरतीको हिसाब किताब मिलाउन सकिएन ।
कल्पना भुषाल, स्याङ्जा
सारथि मुक्तक अभ्यास
१.
यो जीवनमा कोही कसैको आस रहुन्जेल ।
धकधक धड्किने मुटु मेरो पास रहुन्जेल ।
तिमीले आफूलाई एक्लो कहिल्यै नसम्झनु
हाम्रो सम्बन्ध छुट्दैन दुई मुठी सास रहुन्जेल।
२.
मलाई किनकिन दिन भन्दा रात प्यारो लाग्छ ।
अलिअलि लजाउँदाका बात प्यारो लाग्छ ।
कहाँ पाइन्छ बिहे पछि यस्तो मज्जा लुकिलुकी
के गरौँ त ससुरा बा छोरीका हात प्यारो लाग्छ।
कवि काफ्ले✍️
मुक्तक
१
भन्न खोजेको नसोच्नु कदापि जात मिल्दैन ।
घमण्ड गर्ने कसैसँग मेरो बात मिल्दैन ।
यसर्थ तिमीसँग सम्बन्ध जोड्न नचाहेको हूँ
तिमी धनी छौ!म गरीब हाम्रो औकात मिल्दैन।
२
भावीले लेख्ने यो भाग्यपनि एकनास नपाएर ।
बाध्यता छ सडकमै सुत्नुपर्छ बास नपाएर ।
कसैलाई हरदिन चौरासी व्यञ्जन खान पुग्छ
कोही भोकभोकै मर्नुपर्छ एक गास नपाएर।
✍️हिमाल सापकोटा, बाग्लुङ
मुक्तक
१
आउ ए हुरी बतास उडाइदेउ ।
नछोडी केहि आसपास उडाइदेउ ।
धनीहरुको पो गतिलो हुन्छ जग
गरिबको केही हुन्न खास उडाइदेउ।
२
कति गर्छौ हो देशलाई घात नेता ज्यू ।
बानी नै होला तिम्रो जन्मजात नेता ज्यू ।
दुईचार वाक्य सत्य बोल्दा के बिग्रन्छ र
नदेखाउ घरीघरी आफ्नो औकात नेता ज्यू।
✍️बासु सापकोटा, दोलखा
पुर्खा देखि चलेको चलन यस्तै भयो ।
यो साल परदेशिको मन यस्तै भयो ।
अबत घर फर्किने खुसी साट्ने मन थ्यो
समयले जुराएन रक्षा बन्धन यस्तै भयो।
✍️सिताराम खड्का, रामेछाप
मुक्तक
१
सात समुन्द्र तरेर आउने बनायौ ।
प्रेमको सुन्दर गित गाउने बनायौ ।
नास्तिक थिएँ नास्तिक बन्छु सोचेथें
साँझ बिहान मन्दिर धाउने बनायौ।
२
तिम्रो माया सजाएर मुटुभरी राख्नेछु ।
एकबार मात्रै हैन बरोबरी राख्नेछु ।
तिम्रो झैं पत्थरको मन खै कहाँ होला
टुटेपनि सम्बन्ध माया गरि राख्नेछु।
✍️रुकेस रुस, दोलखा
मुक्तक
१
धड्कनमा बसि प्रेमगीत गाउने उनी नै हुन् ।
आशाका यी किरणहरु जगाउने उनी नै हुन् ।
यत्रतत्र छरपस्ट हुँदा खुसीका रेखाहरु
मलाई जिन्दगीको अर्थ बुझाउने उनी नै हुन्।
२
बोल्दै जाँदा थाहै नपाई सुस्तरी पसिन् ।
उराठ यो जिन्दगीमा एउटि परी पसिन्।
न निकाल्छु बाहिर न छेद छ छातीमा
मेरी उनी यो दिलभित्र कसरी पसिन्।
✍️रमेश न्यौपाने राधाकृष्ण, दोलखा
