तीतोपाटी – शीत काव्य समाज नेपाल वागमती प्रदेशको आयोजनामा शीत वाचन , परिचय तथा अन्तरकृयात्मक कार्यक्रम सम्पन्न भएको छ । कोभिड महामारीको कारण भाैतिक रूपमा जम्मा भएर भेला गर्न असम्भव भएपछि आज १९ श्रावण २०७८ मंगलबारको दिन अनलाइन भर्चुअल माध्यमबाट शीत काव्य भेला सम्पन्न गरिएको हो । कार्यक्रममा दर्जनाै साहित्यिक व्यक्तित्वहरूले काव्य वाचन गरेका थिए ।
काव्य कार्यक्रमका प्रमुख अतिथि डा. शैलेन्दु प्रकाश नेपालले ,“ कविताका विविध अभियान मध्ये शीत पनि एक हो । यसले नवसर्जकहरूका साथै बाल साहित्यकारहरू पनि जन्माउँछ । बालबालिकाहरूले समेत सजिलै शीत लेख्न सक्नेछन् । शीतले चाँडै व्यापकता लिनेछ” भनि बताए भने विशेष अतिथि दुर्गा अधिकारी भमरकोटेले, “ शीत , सुसेली लगायतका लघु काव्यहरूले धेरैलाई कविता लेख्न सिकाएको छ । यी लघु उपविधाहरू आज भन्दा बीस बर्ष पहिले नै आएका भए नेपाली साहित्यको भण्डार अझ भरिभराउ हुन्थ्यो” भने । अर्का विशेष अतिथि खगेन्द्र बस्यालले “ शीतले थोरै शव्दमा धेरै अर्थ दिन्छ “ भनी बताए ।
कार्यक्रममा शैलेन्दु प्रकाश नेपाल, पुष्कर अथक रेग्मी, कृष्ण के सी, दुर्गा अधिकारी भमरकोटे, खगेन्द्र बस्याल, सीता बिष्ट कार्की “ सीबिका“, दामोदर ढकाल दीपक, बिष्णु भण्डारी , सबिता के सी, शान्ता शाक्य, सुचिता काफ्ले, टंक ध्वज थापा, अम्बिका आचार्य, कल्पना नेपाल, रीता खराल, गंगा अभिलाषी, सुरेशचन्द घिमिरे, तोयनाथ सुवेदी, द्वारिका कुँइकेल, चन्दावती अधिकारी , दीपकराज जोशी आदिले शीत वाचन/ गायन गरेका थिए ।
देवेन्द्रराज शाक्य , धर्मी शाक्य , नारायण कोइराला , बिनोद भारती, बिष्णु ठकुरी, लक्ष्मी प्रसाद मिस्र , सुशीला पौड्याल ,अंजिता राउत,पदमा देवी, कुञ्जदेवी,हिरा मैयाँ शर्मा , पशुपति प्रधान आदिको सहभागीता रहेको रहेको कार्यक्रममा शीत काव्यका परिकल्पनाकार पुष्कर अथक रेग्मीले साहित्यकार डा . शैलेन्दु प्रकाश नेपाल र देवेन्द्रराज शाक्यलाई केन्द्रीय सल्लाहकारमा मनोनयन गरिएको घोषणा गर्नुका सहभागी शीत सर्जकहरूको जिज्ञासको समाधान गरेका थिए ।
सहभागीहरूले अनुप्रास मिलेका ,अनुप्राश नमिलेका, छन्दमा, आख्यान आदिमा शीत वाचन तथा गायन गरेका थिए । शीतका एकल र संकलन गरि ४ वटा कृतिहरू प्रकाशनको तयारीमा जुटिरहेक छन् । कार्यक्रम वागमती प्रदेका अध्यक्ष कुष्ण के सी को अध्यक्षता ,प्रदेश न १ कि अध्यक्ष बिष्णु भण्डारी आचार्यको स्वागत र केन्द्रीय सचिव दामोदर ढकाल दीपकको संचालनमा सम्पन्न भएको थियो
