हरी कृष्ण न्यौपाने-नुवाकोटका रंजित घिमिरे र सोलुखुम्बु पिङ्ला-११ घर भएकी पेसी शेर्पाले कुवेतमा एकै दिन आत्महत्या गरेका छन। मृतक घिमिरे र शेर्पा प्रेम सम्बन्धमा रहेका र उनिहरुले जुन-२५,२०२१, शुक्रबार एकै दिन आत्महत्या गरेका हुन।
नेपाली राजदूताबास कुवेतका दित्तिय सचिब श्रीकृष्ण सिलवालले राहदानी नंम्बर-१०८८०२५५ रहेकी पेसी शेर्पा र राहदानी नंम्बर-१०२०३३१५ का रंजित घिमिरेले जुन-२५,२०२१ शुक्रबार एकै दिन आत्महत्या गरेको जानकारी दूताबासमा आएको छ।उनिहरु प्रेम सम्बन्धमा रहेको भन्ने बारे कुनै जानकारी नभएको बताउदै सिलवालले भने” मृतक सोलुखुम्बुकी पेसी शेर्पाको शब नेपाल पुगी सकेको र अर्का मृतक रंजित घिमिरेको शब पठाउने प्रकृया शुरु भएको छ।”
मृतक रंजित घिमिरेका साथीले तीतोपाटी डटकमसंग भने”करिब ३ बर्ष पहिले कुवेत पुगेका मृतक रंजित घिमिरे एक बहुरास्ट्रिय कम्पनीमा कार्यरत थिए भने मृतक पेसी शेर्पा घरेलु महिला कामदारको रुपमा काम गर्थिन। उनिहरु बिच पटक-पट्क भेट हुने गरेको थियो र बिहे गरेर संगै बस्ने उनिहरुको योजना थियो।”उनले थपे’त्यो दिन प्रेमी-प्रेमिका भनिएका रंजित र पेसी शेर्पाबिच टेलीफोनमै झगडा भएको थियो ।त्यसपछि रंजितले स्थानिय समय साँझको ७ बजे तिर फर्वानियास्थित आफ्नै कोठामा डोरीले पासो लागेर आत्महत्या गरेका थिए। त्यसलगत्तै उनकी प्रेमिका पेसी शेर्पाले पनि स्पोन्सर(घर मालिक)कै घरमा पासो लागेर आत्महत्या गरेकी भन्ने हामीले सुन्यौ।”
