तितोपाटी- सत्तारुढ दल नेपाल कम्युनिष्ट पार्टी (नेकपा) का कार्यकारी अध्यक्ष पुष्पकमल दाहाल ‘प्रचण्ड’ र महासचिव एवं अर्थमन्त्री विष्णु पौडेल बीच भेटवार्ता भएको छ । शुक्रबार दिउँसो पार्टी कार्यालय धुम्बाराहीमा शीर्ष दुई नेता बीच छलफल भएको हो ।
आजको भेटमा पार्टीभित्रको विकसित राजनीतिक घट्नाक्रमका बारेमा छलफल भएको जनाइएको छ ।
नेकपाको गत बुधबार बसेको सचिवालय बैठकमा कार्यकारी अध्यक्ष दाहाले एकलौटी रुपमा राजनीतिक प्रस्ताव पेश गरेका थिए । जसलाई दाहालले सचिवालयका बहुमत (पाँच जना) सदस्यको प्रस्ताव भन्दै आएका छन् भने ओली पक्षकाले प्रधानमन्त्री ओलीलाई निम्न स्तरको लान्छना लगाउने प्रस्ताव भन्दै आएका छन् ।
