तितोपाटी- पुरानो शिक्षा प्रणाली हाम्रो घोकन्ते विद्याको ।
प्रयोग बिना सुगाले जस्तै रटेर घोकेको ।
व्यवहारमा उतार्न गाह्रो रटेर पढेको ।
त्यसैले होला नेपाली हामी पछाडि परेको ।
छाडेर गुण दोषको खोजी सबैले गर्दछ्न् ।
गल्तिको मात्र गणना गरी लुकेर बस्दछ्न् ।
विद्यालयले बच्चाको खालि गल्ति नै कोट्यायो ।
गल्तिको तल त्यो रातो मसी राखेर छुट्ट्यायो ।
गल्तिको डर देखाईकन गुरुले धम्काए ।
गल्तिको मात्र बखान गरी बेसरी थर्काए ।
विचरा बच्चा डरको मारे कोशीस गर्दैन ।
हुनेछ गल्ति भनेर डरी अगाडि सर्दैन ।
गुलाब छाडी काँडाको पछि लाग्दैछ दुनियाँ ।
गिलास आधा भएको मात्र देख्दैछ दुनियाँ ।
अरुको गल्ति ढुकेर मात्र बस्दैछ दुनियाँ ।
कसरी तल खसालौँ भनी कुर्दैछ दुनियाँ ।
अरुको दोष नखोज्नु जाति गुणको कदर ।
गरेको राम्रो आफूको जस्तै अरुको आदर।
हरेक जिउ रोगले ग्रस्त दोष छ कुलमा ।
यथार्थ कुरा सबैले बुझौँ नपरौँ भुलमा ।
इन्द्रको पनि शरिर भरी योनीले भरेको
चन्द्रमा पनि दागले गर्दा मलिन भएको
वषिष्ठ ॠषी जन्मनु पर्यो बेश्याको कोखमा
अग्निले पनि पाएको सबै राख्दछ मुखमा ।
कृष्णले पनि गोठालो बनी जन्मनु परेको ।
कामदेवले शरिर बिना रहनु भएको ।
व्यासले पनि जन्मनु पर्यो माझिको घरमा ।
नुनको मात्रा भएकै हुन्छ समुद्री जलमा ।
पाण्डव पनि जन्मेका थिए जारको कारण ।
शिवले पनि चिताको भष्म दलेका निधारमा ।
खोजेमा दोष अवश्य मिल्छ हरेक चिजमा ।
छाडेर दोष गुणको पछि लाग हे सज्जन ।
हरि शर्मा
मिशिगन, अमेरिका ।
