भुस खाएको राँगो र घुस खाएको नेता उस्तै ।
भेडाको बथान अनि नेताका हुल सेता उस्तै ।।
न ठेगान बोलीको न त बचन पक्का भएको
खाने फाल्ने ठाउँ दुबै तिर यता र तेता उस्तै ।।
ठग्न जानेको र नेपाल बन्दमा ढुङ्गा हानेको
फरक छैन नेता भनेपछि सबै बुढा केटा उस्तै ।।
चोरी काण्डले जेल परेको मतिभ्रष्ट भएको
बुद्धि थोप्पो नभएका उमेरले पनि जेठा उस्तै ।।
लाजै नमानी पुरानो कथा किन सुनाएको
पुर्खाको लगौंटी र हाम्रा नेताको फेटा उस्तै ।।
-राम भण्डारी
सिन्धुपाल्चोक
हालः काठमाडाैं ।
