तितोपाटी डटकम – पोखरा घर भई कुवेतमा गत जुलाई-१४,२०२० का दिन ज्यान गुमाएका प्रेम(कुमार) गुरुङको परिवारलाई मृतक संगै काम गर्ने साथीहरु मिलेर २३६ केडी (रू. ९०,६४१.१३० नब्बे हजार छ सय एकचालिस रुपैया एक सय तिस पैसा)आर्थिक सहयोग गरेका छन।काम गर्ने स्थलमा बिहानको खाज खाएर कुर्सीमा बसी रहेको बेला ढेलेका कुमारलाई अस्पातल पुर्याउदा हृदयघातको कारण मृत्यु भएको बताईएको थियो।
अल मिश्रक(Al mishraq) कार वास कम्पनीमा सबारी चालकका रुपमा कार्यरत दया शाक्य र रमेश विश्वकर्माको पहलमा २३६ केडी संकलन गरि सहयोग मृतकको परिवारलाई पठाइएको हो। मृतक कुमार गुरुङको श्रीमती लक्ष्मी कुमारी गुरुङको नाममा सहयोग पठाइएको दया शाक्यले तितोपाटी डटकमलाई बताए। उनले थपे”बिगत १६ बर्ष देखी कुवेतमा काम गर्दै आएका करिब ५१ बर्षिय मृतक प्रेम गुरुङको घरमा श्रीमती र एक छोरा रहेका र उनीहरुको आर्थिक स्थिती कमजोर भएको हुनाले तत्कालका लागि हामीले केही सहयोग गरेका हौ।”
