तितोपाटी – नेपालमा कोरोना संक्रमितको संख्या साढे सत्र हजार पुग्न लाग्दा मर्नेको संख्या ४० पुगेको छ । स्वास्थ्य तथा जनसंख्या मन्त्रालयको मिडिया ब्रिफिङमा बताइए अनुसार पछिल्लो २४ घण्टामा थप १०१ जनामा कोरोना संक्रमण पुष्टि भएको छ भने एकै दिन २८५ जनाले कोरोना जितेर डिश्चार्ज भएका छन् र थप एक जनाको मृत्यु भएको छ । याे सँगे कोरोना संक्रमण हुनेको कुल संख्या १७४४५ पुगेको छ भने नेपालका सतहत्तरै जिल्लामा कोरोनाभाइरस फैलिसकेको छ भने देशभरका अस्पताल तथा अाइसोलेसन सेन्टरमा मा ५८७१ जना उपचाररत रहेका छन् ।
स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गाैतमको अनुसार शुक्रबार अपरान्ह सम्म कुल ११५३४ जना कोरोना संक्रमणबाट निको भएर घर फर्किएका छन् । त्यसै गरि सप्तरी जिल्ला राजविराज नगरपालिका-१ निवासी मधुमेह तथा मुटुका दिर्घरोगी ७३ वर्षीय पुरूषको कोरोनाको कारण ज्यान गएको छ भने यो सँगै मृत्यु हुनेको जम्मा संख्या ४० पुगेको छ । हालसम्म देशभरका २७ वटा ल्याबबाट पोलिमरेज चेन रियाक्सन भनिने पीसीआर विधिबाट ३ लाख ८ हजार ४ साय ९८ जनाको परीक्षण भएको छ भने हाल क्वारेन्टाइनमा २२ हजार ७ सय ५६ जना रहेका छन् । नेपालका ७७ जिल्ला मध्ये हाल भोजपुर, संखवासभा, मनाङ, मुस्ताङ र हुम्ला जिल्लामा एक जना पनि संक्रमित छैनन् ।
विश्वव्यापी महामारीको रूपमा संसारभर फैलिरहेको कोरोना भाइरसबाट अहिलेसम्म १ करोड ३९ लाख ७८ हजार भन्दा बढि संक्रमित भइ ८३ लाख ५ हजार भन्दा बढिले स्वास्थ्यलाभ गरिसकेका छन् भने ५ लाख ९३ हजार भन्दा बढिको ज्यान गइसकेको छ ।
