तितोपाटी – विश्वव्यापी महामारीको रूपमा फैलिरहेको कोरोना भाइरसबाट नेपालमा अहिले समम ३९० जना संक्रमित भएका छन् भने नेपालका ३४ जिल्लामा कोरोना संक्रमित पुष्टि भएका छन् । पछिल्लो पटक झापाका ९, सुनसरीका २ र कपिलवस्तुका ४ जनामा कोरोना संक्रमण पुष्टि भएको हो ।
यस अघि सोमबार राती १८ जनाको कोरोना संक्रमण पुष्टि भएको थियो जसमा बाँकेको नरैनापुरका १२ पुरुष, धनुषाका २ पुरुष, दैलेख, सुनसरी, झापा र खोटाङका एक-एक जनामा कोरोना संक्रमण पुष्टि भएको थियो ।
कोरोना भाइरसको महामारीबाट अहिले सम्म ४८ लाख ४६ हजार भन्दा बढि संक्रमित भइ १८ लाख ६४ हजार भन्दा बढिले स्वास्थ्य लाभ गरिसकेका छन् । त्यसै गरि मृत्यु हुनेहरूको संख्या ३ लाख २० हजार नाघिसकेको छ भने नेपालमा कोरोना संक्रमणबाट २ जनाको ज्यान गइसकेको छ ।पछिल्ला केहि दिन यता नेपालमा कोरोना संक्रमितको संख्या वढ्दो क्रममा देखिएको छ ।
