Tuesday 17th November 2026

ओमानलाई १० रनले हराउँदै नेपाल शीर्ष ६ मा, एकदिवसीय मान्यता जोगिने सम्भावना बलियो


नेपालले आईसीसी पुरुष क्रिकेट विश्वकप लिग–२ अन्तर्गत ओमानलाई १० रनले पराजित गर्दै प्रतियोगिताको शीर्ष ६ मा आफ्नो स्थान सुरक्षित गरेको छ।

अल अमिरेत मैदानमा नेपालले दिएको २८१ रनको लक्ष्य पछ्याएको ओमानले निर्धारित ५० ओभरमा ७ विकेट गुमाएर २७० रन मात्र बनाउन सक्यो। ओमानका जतिन्दर सिंहले ८९ र हम्माद मिर्जाले ८७ रन बनाए पनि टोलीलाई जिताउन सकेनन्।

नेपालका ललितनारायण राजवंशी र दीपेन्द्रसिंह ऐरीले दुई–दुई विकेट लिए भने नन्दन यादव र कप्तान सन्दीप लामिछानेले एक–एक विकेट लिए।

त्यसअघि टस जितेर पहिले ब्याटिङ गरेको नेपालले सबै विकेट गुमाएर २८० रन बनाएको थियो। कप्तान रोहितकुमार पौडेलले ८० रन बनाए भने दीपेन्द्रसिंह ऐरीले ६९ र देव खनालले ५७ रनको महत्वपूर्ण योगदान दिए। रोहित र दीपेन्द्रबीच चौथो विकेटका लागि १३९ रनको उत्कृष्ट साझेदारी भएको थियो।

यस जितसँगै नेपालले ३६ खेलबाट ३० अंक पुर्‍याएको छ र सातौँ स्थानको क्यानडाभन्दा एक अंकले अघि रहेको छ। ओमान ३३ अंकसहित चौथो स्थानमा छ।

ओमान भ्रमणमा नेपालले चार खेलमध्ये तीनमा जित र एकमा हारको नतिजा निकाल्यो। शीर्ष ६ मा रहनु नेपालका लागि महत्वपूर्ण थियो, किनभने यसले एकदिवसीय अन्तर्राष्ट्रिय (ODI) मान्यता जोगाउने सम्भावना बलियो बनाएको छ।


सम्बन्धित शीर्षकहरु

पखेटा छैनन्, उडूँ कहाँ म, आकाश टाढा छ, मनै भने प्रियको सम्झनामा, हराउँदै जान्छ। फूलका बगैँचा फुले पनि, मन फुल्न…

जर्मनी, डेनमार्क, अस्ट्रिया, ग्रीस र नेदरल्याण्ड्सले सन् २०२७ देखि रवान्डामा आप्रवासी फिर्ता केन्द्र खोल्ने योजना सार्वजनिक गरेका छन्। यो केन्द्रमा…

अमेरिकी गुप्तचर निकायले इरानले अमेरिकी भूमिमै ठूलो आक्रमण गर्न सक्ने सम्भावनाबारे नयाँ सूचना प्राप्त गरेको जनाएको छ। उक्त सूचनाअनुसार इरानले…

प्रतिकृयाहरू
...