चन्द्र गोतामे – चीनको वुहानबाट शुरु भएको कोभिड -१९ कोरोना भाइरस खाडी मुलुकमा समेत संक्रमण हुनेको संख्या दिनानुदिन बढ्दै गईरहेको छ । कोरोना भाइरसबाट सबै भन्दा बढी साउदी अरेबियामा संक्रमण देखिएको छ । साउदीमा हालसम्ममा कोरोना भाइरसबाट ३१२२ जना संक्रमित भएका छन । साउदीमा कोरोना भाइरसबाट ४१ जनाले ज्यान गुमाएका छन ।
युएईमा कोरोना भाइरसबाट २६५९ जना संक्रमित भएका छन । युएईमा कोरोना भाइरसबाट १२ जनाले ज्यान गुमाएका छन । कतारमा कोरोना भाइरसबाट संक्रमण हुनेको संख्या २२१० जना रहेको छ । कतारमा हालसम्ममा ६ जनाले ज्यान गुमाएका छन । कुवेतमा कोरोना भाइरसबाट हालसम्ममा ८५५ जना संक्रमित भएका छन । कोरोना भाइरसबाट खाडी मुलुकमा सबै भन्दा कम संख्या १ जनाले मात्र कुवेतमा ज्यान गुमाएका छन ।
बहराइनमा कोरोना भाइरस संक्रमणको संख्या ८२१ जना रहेको छ । कोरोनाबाट ज्यान गुमाउनेको संख्या ५ जना पुगेको छ । त्यसैगरी खाडी मुलुकमा सबै भन्दा कम कोरोना भाइरसको संक्रमण ओमान देखिएको छ । अहिले सम्ममा ४१९ जना संक्रमित भएका छन भने २ जनाले ज्यान गुमाएका छन ।
खाडी राष्ट्रमा कोरोना भाइरसबाट संक्रमित नेपालीहरुको संख्या यस प्रकार रहेको छ ।
बहराइन – २२ जना, संयुक्त अरब इमिरेट्स (युएई) – ११ जना, साउदी – ४ जना, कुवेत – ३ जना , कतार – ०, ओमान – ०
खाडी राष्ट्रमा कोरोना भाइरसबाट मृत्यु हुने नेपालीहरुको संख्या यस प्रकार रहेको छ ।
बहराइन – ०, संयुक्त अरब इमिरेट्स (युएई) – १ जना , साउदी – ०, कुवेत – ० ,कतार – ०, ओमान – ०
