तोयानाथ उपेक्षित- कुवेत सरकार चीनको वहानबाट शुरु भएको कोरोना भाईरसलाई रोक्न सचेत रुपमा अध्ययन गर्दै अगाडी बढ्दै थियो । तर यहाँ चीनबाट नभई ईरानतिरबाट कोरोना भित्रियो । गत बर्षको डिसेम्बरबाट चीनमा देखिएको कोरोनाले अहिले विश्व लाई आपतकालिन अवस्थामा पुर्याएको छ । डब्लु एच ओ ले पनि ११ मार्चमा यसलाई विश्व माहामारी रोग भनेर घोषणा समेत गरेको छ ।
आजको मिती सम्म कोरोनाको संक्रमण दुई लाख नाघिसकेको छ भने ८ हजार भन्दा धेरैले ज्यान गुमाई सकेका छन । कुवेत सरकारले चीनको भ्रमणमा नजान आफना नागरिकलाई जनवरी २९ मा सचेत गराएको थियो भने ईरान नजानका लागि २० फेब्रवरीमा भनेको थियो । जबकी १९ फेब्रवरीमा ईरानमा कोरोना भाईरस दुई जनालाई भएको पाईएको थियो ।
फेव्रवरी २१ मा अर्थात दुई दिन पछि थप २ जनाले ईरानमा उक्त भाईरसका कारण ज्यान गुमाउदा १८ जनामा मात्र संक्रमण देखिएको थियो । अत्यन्तै छोटो अवधिमा ईरानमा कोरोना भुसको आगो झै फैलियो । आजको मिती सम्म आईपुग्दा ठिक एक महिनाको अवधीमा ईरानमा १ हजार भन्दा धेरैले ज्यान गुमाई सकेका छन । यसरी नै ईटलीमा ज्यान गुमाउनेको संख्या ३ हजारको छेउछाउ पुगिसकेको छ ।
फेव्रवरी ८ मा जापान र अमेरिकामा कोरोनाको कारणले पहिलो व्याक्तिको मृत्यु भएको समाचार आयो । तर ईरानको तुलनामा ती देशहरुमा निक्कै नियन्त्रित अवस्था देखिन्छ । त्यसो त युके मा जनवरी ३१ मा दुई जनामा संक्रमण दखिएको थियो र सोही मितीमा रसियामा पनि दुई जना संक्रमित भएका थिए । स्पेनमा पहिलो केश फेब्रवरी १ मा देखिएको थियो । अचम्म को कुरा त के छ भने जनवरी २८ का दिन जापानमा एक जना संक्रमित भेटिएका थिए । जुन व्याक्ति चीन गएका नै होईनन ।
कुवेतले गरेका प्रयासहरु
कुवेतमा फेव्रवरी २४ का दिन पहिलो पटक ३ जनामा संक्रमण देखिएको तथ्य सार्वजनिक भयो । त्यसपछि क्रमश यहाँको सरकारले आज पर्यान्त यसलाई रोक्न अथक प्रयास गरिरहेको छ । भोली र पर्सी पल्ट राष्ट्रिय पर्व मनाउन लाग्दा कोरोना भाईरसले कुवेतको माहौल नै परिर्वतन गरिदियो । राष्ट्रिय दिवसका औपचारिक कार्यक्रमहरु धमाधम रद्ध गरिए ।
