तितोपाटी – कुवेतको जाबर अल-अहमद एरियामा रक्सी फ्याक्ट्री चलाउने चार नेपालीलाई स्थानिय पुलिसले पक्राउ गरेको छ । यो समाचार अनलाइन पेज अाइमन माट मा प्रकाशित भएको छ । उनीहरूका साथमा रक्सी बनाउन तयारी अबस्थामा रहेको कच्चा पदार्थ तथा तयारी अबस्थाको रक्सी समेत भारी मात्रामा पक्राउ गरेको सुरक्षा अधिकारीलाइ हवाला दिंदै अाइमन माटमा लेखिएको छ ।
सुरक्षा अधिकारीहरूले रक्सी भट्टीमा छापा मार्दा २ जना परूष र २ जना महिला पक्राउ परेका हुन । उनीहरुले रक्सी फ्याक्ट्री संचालन गरि अत्याधिक मात्रामा रक्सी वनाउने र बेच्ने गर्दै आएको जनाइएको छ । पुलिसले मदिरा बनाउने पदार्थ साथै तयारी अवस्थामा रहेको रक्सी सहित पक्राउ गरेको हो ।
कुवेतमा मदिराको कारोबार लगायत उत्पादन गर्न निषेधित छ । केही समय पहिले पनि नेपालीहरु रक्सी तथा लागू औषध काण्डमा पक्राउ परेका थिए । कुवेत सरकारले मदिरा, लागू औषध तथा वेश्यावृत्तिमा लाग्ने जो कोहिलाई पनि कडा भन्दा कडा कारबाही गर्दछ ।
