जोर्डनस्थित अमेरिकी सैन्य हवाई अड्डा Muwaffaq Salti Air Base मा राति भएको इरानी ब्यालिस्टिक मिसाइल हमलामा अमेरिकी सेनाका एक A-10 Thunderbolt र करिब आठ F-15 लडाकु विमानमा क्षति पुगेको रिपोर्ट सार्वजनिक भएको छ। CBS की पत्रकार Jennifer Jacobs ले स्रोतहरूलाई उद्धृत गर्दै उक्त जानकारी दिएकी हुन्।
रिपोर्टअनुसार A-10 Thunderbolt ‘Warthog’ मा गम्भीर क्षति पुगेको छ र त्यसको एउटा पखेटा नै छुटेको बताइएको छ। त्यस्तै, करिब आठ F-15 विमानमा सामान्य क्षति पुगे पनि ती विमानहरूलाई पुनः सञ्चालनमा ल्याइएको स्रोतहरूले बताएका छन्।
यसअघि जोर्डनतर्फ इरानबाट आएका मिसाइल तथा ड्रोनका कारण उक्त अमेरिकी आधार क्षेत्र पटक–पटक निशानामा पर्दै आएको थियो। पछिल्लो हमलाले अमेरिकी सैन्य संरचना र विमानहरू समेत प्रत्यक्ष रूपमा क्षति बेहोर्न सक्ने अवस्था रहेको देखाएको छ। यद्यपि, यस घटनामा अमेरिकी वा जोर्डनतर्फ मानवीय क्षतिको विस्तृत विवरण भने अहिलेसम्म सार्वजनिक भएको छैन। 
