Wednesday 18th November 2026

भोटेकोसी बाढी: १३ हजारभन्दा बढीको उद्धार, अन्तर्राष्ट्रिय सहयोगसहित खोज तथा राहत कार्य जारी


भोटेकोसी नदीमा भदौ १० गते आएको विनाशकारी बाढीपछि खोज तथा उद्धार कार्य १२औँ दिन पनि जारी छ। परराष्ट्र मन्त्रालयका अनुसार हालसम्म १३ हजार १०४ जनाको उद्धार गरिएको छ, जसमा ३०० भन्दा बढी विदेशी नागरिक रहेका छन्। पछिल्ला तीन दिनमा चार जनाको सकुशल उद्धार गरिएको छ।

बाढीमा हालसम्म १,३४१ जनाको शव फेला परेको छ भने करिब ५ हजार व्यक्ति अझै सम्पर्कविहीन छन्, जसमा ३५ देशका करिब ६०० विदेशी नागरिक पनि छन्।

भारत, चीन, दक्षिण कोरिया, मलेसियालगायत देशका उद्धार टोलीहरू नेपाली सुरक्षाकर्मीसँग मिलेर प्रभावित जलविद्युत् आयोजनाहरूमा खोज तथा उद्धारमा खटिएका छन्। साथै, २९ भन्दा बढी देश र विभिन्न अन्तर्राष्ट्रिय संस्थाले राहत, प्राविधिक सहयोग तथा विशेषज्ञ टोली उपलब्ध गराएका छन्।

प्रारम्भिक मूल्याङ्कनअनुसार बाढीले ७,५७० घर, ५५ किलोमिटर सडक, १०५ वटा पुल, १३ जलविद्युत् आयोजना तथा १,८०६ हेक्टर कृषि भूमिमा क्षति पुर्‍याएको छ।


सम्बन्धित शीर्षकहरु

पखेटा छैनन्, उडूँ कहाँ म, आकाश टाढा छ, मनै भने प्रियको सम्झनामा, हराउँदै जान्छ। फूलका बगैँचा फुले पनि, मन फुल्न…

जर्मनी, डेनमार्क, अस्ट्रिया, ग्रीस र नेदरल्याण्ड्सले सन् २०२७ देखि रवान्डामा आप्रवासी फिर्ता केन्द्र खोल्ने योजना सार्वजनिक गरेका छन्। यो केन्द्रमा…

अमेरिकी गुप्तचर निकायले इरानले अमेरिकी भूमिमै ठूलो आक्रमण गर्न सक्ने सम्भावनाबारे नयाँ सूचना प्राप्त गरेको जनाएको छ। उक्त सूचनाअनुसार इरानले…

प्रतिकृयाहरू
...