कुवेतको गृह मन्त्रालयले देशभरका सम्पत्ति मालिकहरूलाई सुरक्षा क्यामेरा (CCTV) जडान गर्न र त्यसको रेकर्डिङ कुनै परिवर्तन नगरी कम्तीमा १२० दिनसम्म सुरक्षित राख्न निर्देशन दिएको छ।
मंगलबार जारी गरिएको नयाँ कानुनअनुसार निम्न स्थानहरूमा सुरक्षा क्यामेरा अनिवार्य गरिएको छ:
- होटल तथा होटल अपार्टमेन्ट
- मल तथा व्यावसायिक कम्प्लेक्स
- सहकारी संस्था
- आवासीय कम्प्लेक्स
- बैंक तथा वित्तीय संस्था
- युवा केन्द्र
- खेलकुद तथा सांस्कृतिक क्लब
- पेट्रोल पम्प
- मस्जिद तथा धार्मिक स्थल
- औद्योगिक क्षेत्र
- डकिङ क्षेत्र (जहाज तथा बन्दरगाह क्षेत्र)
- शूटिङ रेन्ज
- गोदाम तथा भण्डारण स्थल
- बहुमूल्य तथा जोखिमयुक्त सामग्री राख्ने स्थानहरू
गृह मन्त्रालयले सुरक्षा क्यामेराहरू नियमित रूपमा मर्मत गर्नुपर्ने र आवश्यकताअनुसार प्रविधि अद्यावधिक गर्नुपर्ने जनाएको छ।
मन्त्रालयका अनुसार CCTV सम्बन्धी जानकारी वा सोधपुछका लागि WhatsApp नम्बर 25580888 उपलब्ध गराइएको छ।
नयाँ व्यवस्थाले कुवेतमा सार्वजनिक सुरक्षा, अपराध नियन्त्रण र अनुसन्धान प्रक्रियालाई अझ प्रभावकारी बनाउने उद्देश्य राखेको बताइएको छ।
