नेपाल सरकारले आगामी फागुन २१ गते हुने प्रतिनिधि सभा निर्वाचनलाई मध्यनजर गर्दै ठुलो संख्यामा निर्वाचन प्रहरी (म्यादी प्रहरी) को भर्ना खुलाएको छ। प्रहरी प्रधान कार्यालयको मानवस्रोत विकास विभाग, भर्ना छनोट शाखाले एक सूचना जारी गर्दै निर्वाचन प्रयोजनका लागि कुल १ लाख ३३ हजार ९८० जना निर्वाचन प्रहरी माग गरेको हो।
निर्वाचनलाई भयरहित र व्यवस्थित रूपमा सम्पन्न गर्नका लागि भर्ना गर्न लागिएको यी प्रहरीका लागि इच्छुक व्यक्तिले यही पुस २५ गते शुक्रबारदेखि फागुन १ गतेसम्म आवेदन दिन सक्नेछन्। दर्खास्त दिने प्रक्रियालाई सहज बनाउन सरकारले सार्वजनिक बिदाका दिनमा पनि आवेदन लिने व्यवस्था मिलाएको छ। चुनावी सुरक्षाका लागि यो भर्ना प्रक्रियालाई महत्त्वपूर्ण मानिएको छ।
