कुवेतस्थित कल्याणकारी नेपाली युवा समाज कुवेतको पहलमा चितवनकी शारीरिक अपांग टुकुदेवी पाैडेललाइ ३० हजार भन्दा बढिको सहयोग गरिएको छ । संस्थाका सल्लाहकार नबराज पराजुलीसँग सामाजिक संजालमार्फत सम्पर्कमा अाएकी पाैडेलको सहयोगार्थ रकम संकलन गरि पीडित पाैडेलका नाममा पठाइएको हो ।
समाजका सल्लाहकार पराजुलीको पहलमा कुवेतमा कार्यरत श्रमिक साथीहरूबाट संकलित रकममा समाजको तर्फबाट समेत रकम थप गरि विप्रेषण सेवा शुल्क सहित कुवेती दिनार ७० पीडित टुकु देवी पाैडेलका नाममा पठाइएको समाजका अध्यक्ष सुवास श्रेष्ठले बताए ।
हाल भरतपुर महानगरपालिका वडा नं ८ मा बसोबास गरिरहेकी पीडित पाैडेल जन्मजात अपांग नभएर सवारी दुर्घटनामा परेर अपांग बन्न पुगेकी हुन भने घरायसी अार्थिक अबस्था कम्जोर भएकी उनको दैनिक जिविकोपार्जनमा असहजता रहेको जानकारी पाएपछि पीडितलाइ केहि मात्रामा भने पनि राहत होस भनि श्रमिक साथीहरूमाझ रकम संकलन गरी पठाइएको सहयोग संकलक नबराज पराजुलीले बताए ।
