वासिङ्टन – राष्ट्रपति जो बाइडेनले इरानी तेल प्रशोधन केन्द्रमा इजरायली आक्रमणको सम्भावनाबारे छलफल गरिरहेको बताएका छन् । हिजो बाईडेनलाई पत्रकारहरुले सोधेको प्रश्नमा उनले ईजरायल ले ईरानी आणविक केन्द्रहरुमा हमला गरे अमेरिकाले समर्थन नगर्ने भनेका थिए तर आज उनको जवाफ स्पष्ट छैन, यसले के संकेत गरेको छ भने मध्यपूर्वमा अब विशाल युद्धको संभावना नजिकदै गएको छ । शायद एक दुई दिन भित्रमा इरान माथि ईजरायली हमला हुन सक्ने अडकल लगाईन थालिएको छ ।
बाइडेनले ह्वाइट हाउसमा पत्रकारहरूलाई भने, यद्यपि उसले इजरायलले कम्तिमा बिहीबार भन्दा पहिले इजरायलमा तेहरानको मिसाइल ब्यारेजको कुनै बदला लिने अपेक्षा गरेको छैन। यसको मतलब शुक्रवार वा त्यसभन्दा पछि जे पनि हुन सक्छ भन्ने नै हो ।
एक पत्रकारले इजरायललाई इरानको तेल प्रशोधन केन्द्रमा आक्रमण गर्न समर्थन गर्नुहुन्छ कि भनेर सोध्दा, बिडेन भन्छन्, हामी त्यसबारे छलफल गरिरहेका छौं। मलाई लाग्छ कि यो थोरै हुनेछ ।।। जे भए पनि। बाइडेन भन्छन् कि उनले कुनै तुरुन्त कारबाहीको आशा गरेका छैनन ।
इजरायललाई इरानको विरुद्ध बदला लिन अनुमति दिनुहुन्छ कि भनेर सोध्दा, बिडेन भन्छन् सबैभन्दा पहिले, हामी इजरायललाई अनुमतिु दिँदैनौं, हामी इजरायललाई सल्लाह दिन्छौं र आज केहि हुनेवाला छैन। बाईडेनले तौलिएर निक्कै मुश्किलले दिई रहेको जवाफ निक्कै गंभिर अवस्था को पूर्व संकेत मान्न सकिन्छ ।
बाइडेनले हिजो भनेका थिए कि इजरायलले इरानी आणविक साइटहरूमा आक्रमण गर्नेलाई आफू समर्थन गर्दैन तर उनले एक दिन पछि गरेको कुरामा आकाश जमिन को फरक छ । यता ईजरायलको हजबुल्लाह सँग पनि घनिभूत लडाई भईरहेको छ । उता हुती ले पनि पटक पटक मिसायल आक्रमण गरिरहेको अवस्थामा ईजरायल निक्कै ठुलो संकट र चुनौतीले घेरिएको छ ।
ईजरायल मा नेतान्याहुँको एकलौटी सरकार छैन । गठबन्धनमा रहेका दलहरु उनी भन्दा कटटर छन र उनीहरुले ईरानको न्युक्लियर साईटमा हमला गर्ने यहि नै उपयुक्त मौका भएको भन्दा नेतान्याहुँ माथि दवाव बढाई रहेका समाचारहरु आएका छन ।
श्रोत न्युज एजेन्सी
