Wednesday 24th July 2024

सरकारलाई दिएको समर्थन आजै फिर्ता लिने एमालेको तयारी


नेकपा एमालेले सरकारलाई दिएको समर्थन फिर्ता लिने तयारी गरेको छ। मंगलबार बसेको सचिवालय बैठकले बुधबारसम्म राजीनामा दिएर मार्ग प्रशस्त गर्न प्रधानमन्त्री पुष्पकमल दाहाललाई समय दिएको थियो।

तर प्रधानमन्त्री दाहालले राजीनामा नदिने बताएपछि एमालेले आजै सरकारलाई दिएको समर्थन फिर्ता लिएर आफ्ना मन्त्रीलाई फिर्ता बोलाउने तयारी गरेको एमाले प्रमुख सचेतक महेश बर्तौलाले जानकारी दिए।

‘ राष्ट्रिय सरकार निर्माणका लागि प्रधानमन्त्रीज्यूलाई राजीनामा दिएर मार्ग प्रशस्त गर्न हुन्छ भन्ने विश्वास छ, यदि उहाँले राजीनामा नदिने अवस्था आयो भने आजै सरकारलाई दिएको समर्थन फिर्ता लिएर आफ्ना मन्त्री फिर्ता बोलाइन्छ,’ बर्तौलाले डिसी नेपालसँग भने।

उनले आजै साँझसम्म सरकारलाई दिएको समर्थन फिर्ता लिने जनाए। मंगलबार विहान एमाले अध्यक्ष केपी शर्मा ओलीले प्रधानमन्त्री दाहाललाई भेटेर राजीनामा दिएर राष्ट्रिय सरकार गठनका लागि सहयोग गर्न आग्रह गरेका थिए।

तर प्रधानमन्त्री दाहालले पार्टीको बैठक राखेर राजीनामा नदिने बरु संसद फेस गर्ने निर्णय गराएका थिए। प्रधानमन्त्रीले राजीनामा नदिने थाहा पाएपछि एमालेले सरकारलाई दिएको समर्थन फिर्ता लिने तयारी गरेको हो।


सम्बन्धित शीर्षकहरु

गएको शुक्रबार माइक्रोसफ्टद्वारा सञ्चालित कम्प्युटर प्रणालीमा भएको गडबडीको कारण सारा विश्व चिन्तित भएको बेला चीनमा सबै कुरा राम्ररी चलिरहेको थियो…

हालै अमेरिका र वेस्ट इन्डिजमा सम्पन्न टी–२० विश्वकपमा ठुलो घाटा भएपछि अन्तर्राष्ट्रिय क्रिकेट काउन्सिल (आईसीसी) ले तीन सदस्यीय समिती गठन…

डेमोक्रेट पार्टीबाट राष्ट्रपतिको उम्मेदवार बन्ने दौडमा रहेको कमला ह्यारिसलाई १९३ डेमोक्रेट सांसदको समर्थन पाएकी छन् । राष्ट्रपति जो बाइडेन २०२४…

प्रतिकृयाहरू
...