तीतोपाटी -पत्रकार नबराज पन्थी कुवेतमा सम्मानित भएका छन् । कुवेत स्थित जन-जागृति युवा समाज कुवेतले पत्रकारीता क्षेत्रमा पुर्याएको योगदानको कदर गर्दै पत्रकार पन्थीलाइ सम्मान गरेको हो । कुवेतको पहिलो सामाजिक संस्था जन-जागृति युवा समाजले संस्थाको साताैं अधिवेशन तथा चाैधाैं वार्षिक उत्सवको अवसर पारेर पत्रकार पन्थीलाइ सम्मान गरेको हो । समाजले कुवेतको फरवानिया स्थित द्वाही प्यालेस रेष्टुरेन्टको सभाकक्षमा हिजो मिति २६ अप्रिल २०२४ का दिन नेपाली राजदूतावास कुवेतका महामहिम राजदूत घनश्याम लम्सालको हातबाट सम्मान प्रदान गरेको हो ।
सम्मानित भएपछि बोल्दै पत्रकार पन्थीले विगत १५ वर्षदेखि अाफुले सामुदायिक र परोपकारी पत्रकारिता गर्दै विभिन्न संघ संस्थाको नेतृत्व गरेर केही महिना अगाडि मात्रै महासंघको नेतृत्व समेत नयाँ नेतृत्वलाइ जिम्मा लगाइ स्वतन्त्र भएर बसेकोमा जन-जागृतिले यो सम्मान दिएर लेखन कार्यलाइ अझ सकृय रूपमा अगाडि बढाउन हाैसला प्रदान गरेको बताउँदै विगतका क्षणहरूमा प्रवासबाट पत्रकारिता क्षेत्रमा सामना गर्नुपरेका चुनाैतीहरूको समेत स्मरण गराएका थिए ।
नेपाल पत्रकार महासंघ कुवेत शाखाका संरक्षक तथा पुर्व अध्यक्ष पत्रकार पन्थी तीतोपाटी मिडिया (कोसेली समुह)का पूर्व अध्यक्ष समेत हुन । नेपालमा रहँदा देखि नै रेडियो तथा पत्रिकामा काम गर्दै वैदेशिक रोजगारीको शिलशिलामा कुवेतमा अाएदेखि कुवेतबाट नेपालका विभिन्न मिडियालाइ समााचार प्रेषण गर्ने पत्रकार हुन । पत्रकार पन्थीले कुवेतमा रहेका नेपाली श्रमिकका समस्याहरूका बारेमा सामाग्री पस्कने गर्दछन् भने सूचना तथा जानकारीहरू सम्प्रेषणमा अब्बल रहेका छन् ।
