कल्याणकारी नेपाली युवा समाज कुवेतको आयोजना तथा टाइटल स्पोन्सर अलमुजैनी एक्सचेन्ज रहेको कल्याणकारी-मुजैनी सांगीतिक धमाकाको सम्पूर्ण तयारी पुरा भएको समाजका अध्यक्ष सुवास श्रेष्ठले मिडियालाइ जानकारी दिएका छन् ।
यहि ६ अक्टोबर २०२३ शुक्रबारका दिन माहबुलाको इन्नोभा इन्टरनेशनल इङलिस स्कुलको अत्याधुनिक सुविधा सम्पन्न हलमा सांगीतिक कार्यक्रम सम्पन्न गर्न लागेको कल्याणकारीले कार्यक्रमको लागि नेपालबाट अतिथि कलाकार हरू शान्ति श्री परियार, उर्गेन दोङ र आश्मा बिश्वकर्मालाइ कुवेत ल्याउँदै छ ।
कल्याणकारीको निमन्त्रणामा कुवेत आउन लागेका कलाकारहरू मध्ये शान्ती श्री परियार र आश्मा बिश्वकर्मा बुधबार अक्टोबर ४ का दिन जजिरा एयरको उडानमार्फत बिहान ५ः१० कजे कुवेत विमानस्थलमा अवतरण गर्ने भएका छन् भने कार्य व्यस्तताको कारण उर्गेन दोङ भने ६ तारिक शुक्रबार बिहान मात्रै कुवेत आइपुग्ने भएका छन् ।
नेपालीहरूको महान चाड बडादशैंको पूर्वार्धमा कुवेतमा सम्पन्न हुन लागेको यस सांगीतिक धमाकामा अहिलेकी चर्चित लोक दोहोरी गायिका शान्ति श्री परियार र उत्कृष्ट डान्सर आश्मा बिश्वकर्मा साथै व्यस्त गायक, कम्पोजर उर्गेन दोङका साथमा कुवेतका स्थानीय कलाकारहरूले समेत आ–आफ्नो कला र प्रतिभा देखाउने छन् भने अतिथि कलाकारहरूले कुवेतका नेपालीहरूलाइ कत्तिको सांगीतिक मनोरन्जन प्रदान गर्ने हुन त्यो भने हेर्न नै बाँकी छ ।
समाजले अतिथि कलाकारको स्वागतको लागि कुवेतमा कृयाशिल संघ संस्थाका पदाधिकारी/प्रतिनीधि, पत्रकार, समाजसेवी, बुद्धिजीवी, कलाकार, खेलाडी सबैलाइ कुवेत अन्तर्राष्ट्रिय विमानस्थलमा उपस्थित भइदिनुहुन अनुरोध गरेको छ भने उर्गेन दोङलाइ स्वागत गर्नको लागि शुक्रबार बिहान बजे उपस्थित हुन पनि आग्रह गरेको छ ।
